कोलम्बियाका राष्ट्रपतिले नोबेल पुरस्कारको रकम द्वन्द्व पीडितलाई दिने

Posted on: October 11, 2016 | views: 435

एजेन्सी ।
यस बर्षको नोबेल शान्ति पुरस्कार जितेका कोलम्बियाका राष्ट्रपति जुआँ म्यानुएल सान्तोषले आफूले पाउने पुरस्कार बापतको रकम द्धन्द्ध पिडितलाई दिने बताएका छन् ।

नोबेल शान्ति पुरस्कारको ९ लाख २५ हजार अमेरिकी डलर आफ्ना देशका द्धन्द्धपिडितको लागि खर्च गर्ने उनको भनाई छ ।

कोलम्बियामा विद्रोही समूह रेभोलुसनरी आम्र्ड फोर्स अफ कोलम्बिया ९फार्क० विद्रोही समूहले आधा शताब्दीभन्दा लामो समयदेखि जारी राखेको हिंसाको कारण कोलम्बियामा लाखौंको सङ्ख्यामा द्वन्द्व पीडित भएका छन्।

कोलोम्बियामा पाँच दशकसम्म जारी द्वन्द्वमा परी २ लाख ६० हजार भन्दा बढी व्यक्तिको मृत्यु भईसकेको छ ।

त्यसैगरी ४५ हजार बेपत्ता भएका छन्। । यस द्वन्द्वका कारण सात लाख व्यक्ति विस्थापित भएका छन्। ।

कोलम्बियामा जारी रहेको हिंसात्मक विद्रोहको अन्त्यगरी शान्ति सम्झौताका माध्यमबाट शान्ति स्थापनाका लागि गरेको पहलस्वरुप सान्तोषलाई यस बर्षको नोबेल शान्ति पुरस्कार दिने घोषणा गरिएको छ ।