जर्मनीमा सन् २०३० देखि पेट्रोल डिजेलबाट चल्ने गाडीमा प्रतिबन्ध

Posted on: October 10, 2016 | views: 984

२४ असोज, एजेन्सी ।
जर्मनीमा अबको १४ बर्षपछि पेट्रोल तथा डिजेलबाट चल्ने गाडी चल्न नपाउने भएको छ ।

जर्मन सरकारले सन् २०३० देखि यस्ता गाडीमा प्रतिबन्ध लगाउने निर्णय गरेको छ ।

जर्मनीको संसद 'बुन्डेसर्याट' ले पास गरेको बिल अनुसार सन् २०३० देखि जर्मनीमा पेट्रोल तथा डिजेलबाट चल्ने इन्जिन आयात, निर्यात तथा बिक्री गर्न पाइने छैन ।

जर्मनीको बुन्डेसर्याटले जर्मनीका १६ राज्यको प्रतिनिधित्व गर्छ । युरोपयिन युनियनमै यो नियम लागू गर्न जर्मनीको बुन्डेसर्याटले अनुरोध गरेको छ र लागू हुनसक्ने सम्भावना अधिक रहेको बताइएको छ ।

समाचार अनुसार अबको १४ वर्षपछि यूरोपियन यूनियनमा शून्य प्रदुषण उत्सर्जन गर्ने इन्जिन मात्र उपलब्ध हुनेछन् ।

पेट्रोल तथा डिजेलका साटो विद्युतीय वा हाइड्रोजन वा अन्य वैकल्पिक इन्धन प्रयोग गरिनेछ । जर्मनीले डिजेल तथा पेट्रोल गाडीमा प्रतिबन्ध लगाउने भएपछि इन्धनबाट चल्ने गाडीको यूगको अन्त्य हुन लागेको विश्लेषण गर्न थालिएको छ ।

स्मरणीय छ नर्वेले यसअघि नै सन् २०२५ देखि डिजेल तथा पेट्रोलका गाडी प्रतिबन्ध लगाउने निर्णय गरिसकेको छ ।