अमेरिकामा रेल दुर्घटनामा कम्तिमा तीन जनाको मृत्यु, सय बढी घाइते

Posted on: September 29, 2016 | views: 424

१३ असोज, एजेन्सी ।
अमेरिकामा भएको रेल दुर्घटनामा परि कम्तिमा तीन जनाको मृत्यु भएको छ ।

दुर्घटनामा परि सय बढी व्यक्ति घाइते भएको र घाइते मध्ये कयौंको अवस्था चिन्ताजनक रहेको अमेरिकी प्रहरी अधिकारीहरुले बताएका छन् ।

न्यु जर्सी राज्यको होबोकेनको शहरमा भएको दुर्घटनामा तिब्र गतिमा आएको रेल दुर्घटना हुँदा रेल स्टेशनमा अनेर होबोकेन स्टेशन नै भत्काइदिएको छ ।

दुर्घटना पछि उद्दारको काम भइरहेको र विस्तृत विवरण आउन बाँकी रहेको छ ।

रेल दुर्घटनाको स्पष्ट कारण खुल्न नसकेपनि अमेरिकी अधिकारीहरुले यो प्राविधिक कारण भएको हुनसक्ने भन्दै यसमा कुनै आतंकवादी संलग्नता नरहेको विश्वास गरेका छन् ।