बिद्रोही बिरुद्ध सिरियाली सरकार र रुसले गरेको कारवाहीको अमेरिकाद्धारा बिरोध

Posted on: September 26, 2016 | views: 383

१० असोज, काठमाडौं ।
अमेरिकाले सिरियामा जारी युद्धका क्रममा रुसले सिरियाली सरकारसँग मिलेर बिद्रोही बिरुद्ध गरिरहेको आक्रमणको चर्को बिरोध जनाएको छ ।

संयुक्त राष्ट्रसंघ सुरक्षा परिषदको आपतकालीन बैठक डाक्न लगाएर अमेरिकाले रुसले सिरिया कारबाहीका बारेमा गलत जानकारी दिएको आरोप लगाएको हो ।

अमेरिकाले सिरियामा रुसको कारबाही चरमपन्थी कारबाही भन्दा बर्बरता भएको दाबी गरेको छ ।

संयुक्त राष्ट्रसंघका लागि अमेरिकी राजदूत सैमन्था पावरले सोमबारको सुरक्षा परिषदको बैठकमा बिद्रोहीको कव्जामा रहेको पूवी अलेप्पोमा रुस तथा सिरिया सेनाले जर्मनी तफबाट हवाइ हमला गरिरहेको भन्दै यो बर्बर भएको बताइन् ।

यसको जवाफमा रुसी राजदूत विटाली चुरकिन ले सीरियामा शान्ति पुनर्वाहली असम्भब काम भएको भन्दै हतियारबन्द बिद्रोही गुटले हालै लागू भएको युद्धविराम तोडेपछि कारवाही थालिएको जवाफ दिएका दिए ।

सिरियाका प्रतिनिधिले सुरक्षा परिषदमा सरकारी सेनाले अलेप्पो क्षेत्र नियन्त्रणमा लिने प्रयास गरिरहेको भन्दै रुसको कारवाहीले सरकारलाई सहयोग पुगेको जवाफ दिएका थिए ।

यसअघि आइतबार अमेरिका, बेलायत, फ्रान्सले अलेप्पोको विग्रदै गएको अवस्थाबारे छलफल गर्न सुरक्षा परिषदको बैठक बोलाउन माग गरेका थिए ।

सीरियामा लागू भएको युद्धविराम भंगभएसँगै सीरियामा सरकारी सेनाले अलेप्पोमा विद्रोहीको कव्जामा रहेको क्षेत्रमा हवाइ हमला बढाएको छ ।

पछिल्ला दिनमा १५० भन्दा धेरै हवाइ हमला भएका छन् । ५० बढी व्यक्तिको मृत्यु भइसकेको बताइएको अलेप्पो क्षेत्रमा दिनहुँ बम बारुद्ध बिस्फोट र मृत्युको खवर आइरहेको भन्दै युद्धग्रस्त क्षेत्रमा हजारौं निर्दोस नागरिक रहेको बताइन्छ ।

स्मरणीय छ अमेरिकाले सिरिया सरकार बिरुद्ध असहयोगको नीति लिंदै आएको छ भने बिद्रोहीको बिरोध गरेपनि आर्थिक लगायतका सहयोग र उनिहरुको बचाउ गरेर अमेरिकाले युद्ध भड्काउने काम गरिरहेको सिरियाली सरकारले बताउँदै आएको छ ।