जापानी प्रधानमन्त्रीले क्युवाका राष्ट्रपति क्यास्ट्रोलाई भेटे

Posted on: September 24, 2016 | views: 383

८ असोज, टोकियो ।
जापानका प्रधानमन्त्री सिन्जु आवेले क्युवाका राष्ट्रपति राहुल क्यास्ट्रोसँग भेटवार्ता गरेका छन् ।

हवानामा भएको भेटवार्तामा आवे र क्यास्ट्रोले ४० मिनेट कुराकानी गरेको बताइएको छ ।

जापानी सञ्चार माध्यमहरुले दुई नेताबिचको भेटलाई महत्वका साथ प्रशारण गरेका छन् । जापानी प्रधानमन्त्री आवे बुधवार हवाना पुगेका थिए ।

भेटवार्तामा भएका कुराकानीबारे केही खुलाइएको छैन ।

जापानी प्रधानमन्त्रीले जापानी उद्योगलाई क्युवामा लगानि मैत्री गर्न अनुरोध गरेको बताइएको छ । जवाफमा क्यास्ट्रोले सकारात्मक जवाफ दिएको जापानी मिडियाहरुले उल्लेख गरेका छन् ।

भेटमा आवेले उत्तर कोरियाले पछिल्लो समय गरिरहेको परमाणु हतियार परिक्षण विश्व शान्तिको लागि खतरा रहेको भन्दै यसमा क्युवाले बिरोध गर्नुपर्ने भन्दै यसबारेमा बोल्न क्यास्टोलाई अनुरोध गरेको समाचारमा जनाइएको छ ।

क्युवासँग उत्तर कोरियाको सम्वन्ध राम्रो रहेको ठानिन्छ । दुवै देशमा कम्युनिष्ट शासन रहेको छ भने क्युवा अमेरिकासँग भर्खरै कुटनैतिक सम्वन्ध स्थापना भएको देश हो भने अमेरिकाले उत्तर कोरियामा अनेक नाकाबन्दी लगाएर युद्ध भड्काउने क्रियाकलाप दक्षिण कोरिया सिमा क्षेत्रमा गर्दै आएको छ ।