अमेरिकाको न्यूयोर्कमा बिस्फोट हुँदा कम्तिमा २९ जना घाइते

Posted on: September 18, 2016 | views: 438

२ असोज, एजेन्सी ।
अमेरिकाको न्यूयोर्क सिटीमा बिस्फोट हुँदा कम्तिमा २९ जना घाइते भएका छन् ।

बिस्फोटमा परि कम्तिमा २९ जना घाइते भएको अमेरिकी अधिकारीहरुलाई उधृत गर्दै अलजजिरा अनलाईनले समाचार लेखेको छ ।

अमेरिकाको अग्नी विभागका अनुसार बिस्फोट न्यूर्योकको म्यानहटनमा भएको थियो ।

बिस्फोटको कारण अहिलेसम्म थाहा भएको छैन । विस्फोट आतंककारी समुहले गराएको ठानिएको छ ।

न्युजर्सीमा पाइप बम बिस्फोट भएको केही घण्टा भित्रै न्युर्योकमा विस्फोट भएको समाचारमा उल्लेख छ ।

घाइतेलाई अस्पताल लगिएको छ । डस्टबिनमा राखिएको बिस्फोटक पदार्थ विस्फोट भएको अनुमान गरिएको छ ।

विस्फोटको आवाज परसम्म सुनिएको थियो । विस्फोटमा परि कसैको मृत्यु नभएको र घाइते अधिकाशं खतरा मुक्त भएको बताइएको छ ।

अमेरिकी सुरक्षा अधिकारीहरुले विस्फोट भएको क्षेत्र वरपर कडा निगरानी र खोजतलास थालेको बताइएको छ ।