सांसदले मन्त्रीलाई जुत्ता हानेपछि

Posted on: September 16, 2016 | views: 396

३१ भदौ, एजेन्सी ।
भारतमा एक सांसदले मन्त्रीलाई जुत्ताले हानेका छन् ।

भारत पञ्जावमा कांग्रेस विधायक तारलोचन सन्धुले राजश्व मन्त्री विक्रमसिंह मजिठियालाई बुधवार जुत्ता प्रहार गरेका हुन् ।

विधानसभामा विपक्षी दल र सरकारबीचको विवाद चुलिँदै गएपछि कांग्रेस सांसद तारलोचनले मन्त्री मजिठियामाथि जुत्ता प्रहार गरेको बताइएको छ ।

भारतीय सञ्चार माध्ययमहरुका अनुसार सरकारपक्ष र विपक्षीका बीच विवाद चर्कदै गएपछि कांग्रेसका सांसदले विधानसभाका सभामुख चरणजितसिंह अटवालमाथि डायरी प्रहार गरेका थिए ।

सभामुखमाथि आक्रमण सुरु भएपछि सभामुखको सुरक्षाका लागि घेरा हाल्न उभिएका राजश्व मन्त्रीमाथि सांसद तरलोचनले आफ्नै जुत्ता खोलेर प्रहार गरेका हुन् ।

मन्त्रीको अनुहार ताकेर जुत्ता प्रहार भएको भए पनि मन्त्रीलाई केही नभएको बताइएके छ ।

सरकार भ्रष्टाचारमा लिप्त भएको भन्दै कांग्रेस सांसदले सोमबार संसदमा अविश्वासको प्रस्ताव पेश गरेका थिए ।

पञ्जावको विधानसभाले अविश्वासको प्रस्ताव बहुमतले रद्ध गरिदिएपछि कांग्रेस सांसद रुष्ट बनेका छन् ।