जापानका मन्त्रीको हिलो छल्न बुई चढ्दा चर्को आलोचना

Posted on: September 15, 2016 | views: 432

टोकियो, जापान ।
जापानमा केही पानी बगेको हिलो ठाउँ छल्न बुई चढ्दा जापानका सरकारी एक उपमन्त्रीले चर्को आलोचना खेप्नु परेको छ ।

आंधी प्रभावित क्षेत्रको अवलोकनमा जाँदा पानी र हिलोबाट बच्न आफ्नो जुनियरको बुई चढ्दा आलोचना खेपेका हुन् मन्त्री शुन्सुक मुटाईले ।

आधिबाट प्रभावित शहर इवाईजुमीको अवलोकन गर्ने क्रममा उनले बुई चढेको तस्विर अहिले जापानमा समाजिक सञ्जालमा भाईरल भएको छ ।

२० जना भन्दा बढि मानिसले ज्यान गुमाउनु परेको उक्त क्षेत्रमा मन्त्री बुई चढ्नुका साथै हांस्दै हिँडेको भिडियो सार्वजनिक भएपनि उनको जापानका मुख्य क्याविनेट सचिव योशीहिदे सुगाले मन्त्री मुटाईको असम्वेदनशील काम भएको भन्दै आलोचना समेत गरेका छन् ।

सरकारी जाँच टीम प्रमुख भएर गएका व्यक्तिको असंवेदनशिलता भएको भन्दै उनको राजिनामा माग गरिएको छ ।

स्मरणीय छ नेपालमा पनि पुर्व प्रधानमन्त्रीहरु माधव कुमार नेपाल, झलनाथ खनाल, पुष्पकमल दाहाल प्रचण्ड, शेरबहादुर देउवा, रामचन्द्र पौडेल लगायतले सामान्य खोला तर्दा कार्यकर्ता भिजेरै तरेपनि आफु बने बुई चढेर पार गरेका थिए ।
उनिहरुको उक्त समयमा खुवै चर्चा र आलोचना भएको थियो ।