गाली गरेपछि ओबामाले फिलिपिन्सका राष्ट्रपतिलाई भेट्न मानेनन्

Posted on: September 06, 2016 | views: 623

२१ भदौ, काठमाडौं ।
आफुलाई गाली गलौज गरेपछि अमेरिकी राष्ट्रपति बाराक ओबामाले फिलिपिन्सका राष्ट्रपति रोड्रोगो डुटेर्तेसँग भेट्न अस्वीकार गरेका छन् ।

लाओसमा हुन लागेको आसियान शिखर सम्मेलनमा भेट्ने कार्यक्रम रद्दगर्दै ओबामाले आफुमाथि गरेको गालि गलौजको जवाफ दिएका हुन् ।

उक्त सम्मेलनमा जानु अघि डुटेर्तेले ओबामाको नाम लिंदै लाओसमा भेट्दा मानवअधिकारको प्रवचन नदिओस् । तपाईले सम्मान गर्नुपर्छ । मात्र प्रश्न गर्ने र बयान लिएर काम चल्दैन । यदि वेश्यापुत्र’ सँग यस्तो गरियो भने जवाफ दिन्छु । ’

उनले फिलिपिन्स एक सम्प्रभु देश भएको भन्दै यसको मालिक केवल फिलिपिन्सको जनता मात्र भएको बताएका थिए ।

डुटेर्ते राष्ट्रपति भएपछि लागू औषध तस्करविरुद्ध कडा रवैया अपनाएका छन् । अचम्मको कुरा के भने फिलिपिन्स लागू औषध तस्करको केन्द्र भएको भन्दै अनेक आलोचना गरेको अमेरिकाले नै तस्कर बिरुद्ध कडा नीति लिएपछि मानव अधिकार हनन भएको भन्दै बिरोध र आलोचना गर्न थालेको छ ।

डुटेर्तेले फिलिपिन्सको राष्टपति ३० जुनमा सम्हालेदेखि अहिलेसम्म २ हजार ४ सय भन्दा बढी लागू औषध तस्कार मारिएका छन् ।

राष्ट्रपति डुटेर्तेले ६ महिनामा एक लाख लागू औषध तस्करलाई समाप्त गर्ने प्रतिवद्धता व्यक्त गरेका छन् ।