रेल दुर्घटनामा मर्नेको संख्या २७ पुग्यो

Posted on: July 13, 2016 | views: 633

२९ असार, एजेन्सी ।
इटालीमा दुई वटा रेल आपसमा ठोक्किँदा भएको दुर्घटनामा मेत्यु हुनेको संख्या २७ पुगेको छ ।

तटीय शहर बारलेटा र बारीको बीचमा दुई वटा रेल आपसमा ठोक्किएर भएको दुर्घटनामा धेरै घाइते भएका छन् ।

रेल जुध्दा घाइते भएकाहरुको उद्दार गरी हेलिकोप्टरबाट उपचारका लागि अस्पताल लगिएको छ ।

घाइते मध्ये केहीको अवस्था गम्भीर रहेको बिबिसीले लेखेको छ । आन्द्रिया र कोराटोबाट तिव्र गतिमा आइरहेका रेल आपसमा ठोक्किएका हुन् ।

इटालीका प्रधानमन्त्री मेजियो रेन्जीले घटनाबारे छानबिन गर्न आदेश दिएका छन् ।