आत्मघाती बम विस्फोटमा टर्की विमानस्थलमा कम्तिमा ३६ को मृत्यु

Posted on: June 29, 2016 | views: 405

१५ असार, काठमाडौं ।
टर्कीको प्रमुख सहर इस्तानबुलको अतातुर्क अन्र्तराष्टिय विमानस्थममा आत्मघाती बम आक्रमण हुँदा कम्तिमा ३६ जनाको मृत्यु भएको छ ।

बम विस्फोटमा परि करिव १ सय जना घाइते भएको विमानस्थल प्रशासनले जानकारी दिएको छ । अन्तराष्ट्रिय टर्मिनल नजिक गराइएको विस्फोटमा परि मारिएका अधिकाशं टर्कीका नागरिक भएको ठानिएपनि परिचय खुल्न बाँकी रहेको छ ।

आत्मघाती आक्रमणकारीले कालशनिकोव राइफबाट गोली चलाइर केहीको हत्या गरेको थियो ।

बम विस्फोटपनि विमानस्थल बन्द गरिएको छ । मानिसहरुलाई विमानस्थलबाट टाढा जान निर्देशन दिंदै प्रहरीले व्यापक खानतलासी र अनुसन्धान थालेको छ ।

कुर्द पृथकतावादी वा इस्लामिक स्टेटले आक्रमण गरेको हुनसक्ने अनुमान गरिएको छ । सरकार एवं कुर्द चरमपन्थीबीच टर्कीमा गत साल संघर्ष विराम सकिएपछि यस्ता विस्फोटका आक्रमणमा मृद्धि भएको छ ।
यद्यपी बिमानस्थल बम आक्रमणको जिम्मा भने कसैले लिइसकेको छैन ।