अमेरिकामा आइएस आक्रमण, कम्तिमा ५० को हत्यापछि संकटकाल घोषणा (फोटो फिचर)

Posted on: June 13, 2016 | views: 880

 ३१ जेठ, एजेन्सी ।
अतिवादी चरमपन्थी समुह आइएस आवद्ध एक बन्दुकधारीले अमेरिका आक्रमण गरि कम्तिमा ५० जनाको हत्या गरेका छन् ।

अमेरिकाको फ्लोरिडा राज्यको ओर्ल्याण्डो शहरमा एक रात्रिक्लबमा गएराती आक्रमण गरि ति बन्दुकधारीले ताकेर गोली हान्दै ५० जनाको हत्या गरेका हुन् ।

गोलावारीमा परि अन्य ५३ जना घाइते भएको र घटनापछि ओल्याण्डो सहरका मेयर बुढ्डी डायरले आपतकालको घोषणा गरेका छन् ।

अमेरिकी समाचार संस्था सिएननले घटनामा संलग्न युवा आइएस लडाकुसँग सम्वद्ध भएको पाइएको उल्लेख गरेको छ ।

घटनापछि सम्वोधन गर्दै अमेरिकी राष्टपति बाराक ओबामाले घटना विभत्स र आतंकवादी कार्य भएको भन्दै यस्ता घटना गराउनेलाई कहिँ गएपनि नछाड्ने प्रतिवद्धता जनाएका छन् ।


समचार अनुसार समलिंगीहरूले सञ्चालन गरेको रात्रिक्लब ‘पल्स’मा भएको भीषण गोलाबारी सेप्टेम्वर ११ को ट्विन टावर आक्रमणपछिको सबैभन्दा ठुलो हत्या काण्ड हो ।

ओर्ल्याण्डो प्रहरीले पल्स क्लबलाई तीन घन्टा नियन्त्रणमा लिएर बन्दुकधारीले सर्वसाधारणको हत्या गरेको जनाएको छ । आक्रमणकारी ओमार मातिन नामका एक मुश्लिम युवक पनि सोही क्लबमा मारिएका छन् ।

आक्रमणमा घाइते भएकाहरूलाई उपचारका लागि भर्ना गरिएको छ । अस्पतालबाहिर घाइतेहरूका आफन्तहरूको भीड लागेको छ ।


ओर्ल्याण्डो प्रहरी प्रमुख जोन मिनाले २ बजे आक्रमण सुरु भएको र त्यसअघि आक्रमणकारीले ड्युटीमा रहेका प्रहरीको बन्दुक लिएको जानकारी गराएका छन् ।

आक्रमण गरिएको पल्स क्लब फ्लोरिडाको सबैभन्दा ठूलो समलैंगिक क्लब भएको बताइएको छ ।

सिएननले उल्लेख गरेको समाचारमा गत वर्ष अमेरिकामा भएका यस्तै खाले साना बन्दुक आक्रमणमा परि ४ सय ७५ जनाको मृत्यु हुएमने उल्लेख छ ।