इथियोपियाका ६० सैनिकको हत्या

Posted on: June 10, 2016 | views: 734

२८ जेठ, एजेन्सी ।
सोमालियाको इस्लामिक बिद्रोही संगठन अल–शबाबले इथियोपियाका ६० सैनिकको हत्या गरेको दाबी गरेको छ ।

अल–शबाबका लडाकुले सोमालियाको हेलगन शहरमा रहेको अफ्रिकन युनियनका सैनिकको बेस क्याम्पमा आक्रमण गरी इथियोपियाका सैनिको हत्या गरेको बिबिसीले जनाएको छ ।

अफ्रिकी युनियनले इथियोपियाका सैनिक मारिएको बारेमा केही बताएको छैन । हेलगनमा दोहोरो भिडन्त भएको र धेरैको ज्यान गएको हुन सक्ने अधिकारकर्मीले बताएका छन् ।

अफ्रिकन युनियनले जवाफी कारबाहीमा एक सय १० जना बिद्रोही लडाकु मारिएको जनाएको छ ।