जापानबाट कोरिया उड्न लागेको कोरियन एयरमा आगलागी (फोटोफिचर)

Posted on: May 28, 2016 | views: 434

१५ जेठ, टोकियो ।
कोरियाको लागि उड्न लागेको कोरियन एयरलाइन्सको बिमानमा जापानको हानेदा विमानस्थलमा आगलागी भएको छ ।

बिमानमा आगलागी भएपनि बिमानमा रहेका यात्रु र चालकदलका सदस्य सहित सबै सकुशल रहेका छन् ।

विमानको इन्जिनमा आगो लागेको बताइएको छ । विमानमा १७ जना चालकदलका सदस्य सहित ३ सय जना रहेको कोरियन एयरले बताएको छ ।

बिमानको एउटा इन्जिनमा आगो लागे लगत्तै बिमानमा रहेका यात्रुहरुलाई आपतकालिन रुपमा बाहिर निकालिएको थियो ।

कोरियन एयरको बोइङ ७७७ विमानमा आगलागी भएपछि यात्रुहरुलाई अन्य बिमान मार्फत यात्रा गराइएको थियो ।

विमान दक्षिण कोरियाको जिम्पो अन्तर्राष्ट्रिय विमानस्थलका लागि उड्ने तयारीमा थियो ।