बिहान ९ बजेदेखि बेलुका ६ बजेभित्र खाना पकाए २ वर्ष जेल

Posted on: May 03, 2016 | views: 585

एजेन्सी,बैशाख १७ । बिहार सरकारले आगलागी नियन्त्रणका लागि नयाँ कानुन ल्याएको छ। अब कोही पनि विहारबासीले बिहान ९ बजेदेखि साँझ ६ बजेभित्रमा खाना पकाए २ वर्षको जेल सजाय पाउने भएका छन्।
यसैगरी विहारका सबै ग्रामिण इलाकामा यो समय भित्रमा कुनै पनि धार्मिक कार्यक्रम नगर्न नगराउन सचेत गराएको छ।
विहारका मुख्यमन्त्री नीतीश कुमारले राज्यका ६ जिल्लामा अहिले पनि आगालागीका घटना भइरहेकाले यसको नियन्त्रणका लागि यस्तो निर्णय लिएका हुन्। भारतीय अधिकारीका अनुसार मुख्य मन्त्रीले  विस्तृत सर्वेक्षणको आधारमा यस्तो निर्णय लिएका हुन्।

अधिकारीका अनुसार खाना पकाउने समयमा चुलोबाट सल्किएको आगो उडेर घरमा सल्किनाले आगलागी बढेको छ। पछिल्लो दुई सातामा बिहारका ६ जिल्लामा लागेको भीषण आगलागीबाट ६६ जनाको मृत्यु भएको छ। यस्तै  १२ सय जवावरले डढेर  ज्यान गुमाएका छन्।
setopati.com