विश्वको स्थिति भयावह हुन सक्ने चेतावनी

Posted on: May 03, 2016 | views: 677

युनाइटेड नेसन्स । फ्रान्सेली राष्ट्रपति फ्राँस्वा अलान्दले युरोपियन युनियनका सदस्य २८ राष्ट्रमा पेरिस जलवायु सम्झौतालाई कार्यान्वयनमा ल्याउन आग्रह गरेका छन् । पछिल्ला दशकमा विश्वको तापमानमा व्यापक बृद्धि हुनथालेपछि पेरिसमा हालै सम्पन्न जलवायु सम्मेलनले तापमानलाई बृद्धि गर्ने स्रोतलाई नियन्त्रण गरी थप स्थितिलाई थप भयावह हुन नदिन पेरिस जलवायु सम्झौता गरिएको हो ।

सहमतिलाई फ्रान्सले सन् २०१६ भित्रै प्रयोगमा ल्याउने बताउँदै युरोपेली युनियनमा संलग्न राष्ट्रहरुले पनि यसलाई विशेष महत्वका साथ लिन आग्रह गरेका हुन । उनले युरोप जलवायु समस्या नियन्त्रण प्रयास स्वरुप गरिएको सहमतिलाई फ्रान्सेली संसदले यही ग्रिष्म ऋतुपूर्व नै स्वीकृत गर्ने बताउँदै ईयूलाई पनि सोहीअनुसार अगाडि बढ्न अनुरोध गरे । रासस÷एएफपी