भारतले चीन नीतिबारे लक्ष्मणरेखा पार गरे थेग्न गाह्रो पर्ने चेतावनी

Posted on: December 26, 2017 | views: 17763
एजेन्सी ।
भारतले ताइवान कार्डको प्रयोग गर्न खोजेको भन्दै चीनले यसबारेमा कडा टिप्पणी सहित भारतलाई चेतावनी दिएको छ ।

ताइवान र भारतबीच औद्योगिक सहयोगसम्बन्धी समझदारीपत्रमा हस्ताक्षर भएको दुई हप्ता पछि चिनीयाँ सरकारको आधिकारीक धारणा लेख्ने विश्वास गरिँदै आएको चीनीयाँ पत्रिकाले यस्तो उल्लेख गरेको छ ।

चिनियाँ र ताइवानी सञ्चारमाध्यममा विभिन्न टीकाटिप्पणी भइरहेका बेलामा चिनियाँ सरकारी अखबारले त्यसलाई लिएर भारतलाई सचेत गराएको हो ।

ताइवानलाई लिएर भारत आगोसँग खेलिरहेको भन्दै चीनको ग्लोबल टाइम्सले भारतीय प्राज्ञहरुले पछिल्लो समझदारीलाई दुई देशबीचको आवश्यक राजनीतिक तथा रणनीतिक सम्बन्ध भनेका छन् जबकि ताइवानको प्रश्न कुनै सरकारी स्तरको मुद्दा होइन। कतिपय भारतीयहरुले मोदी सरकारलाई ुताइवान कार्डु प्रयोग गर्न सल्लाह दिइरहेका छन् जुन भारत(चीन सम्बन्धका लागि खतरनाक साबित हुन सक्छ। उल्लेख गरेको छ ।

भारतसँग भएको समझदारीलाई ताइवानी सञ्चारमाध्यमले दुई देशबीच व्यापार र लगानी बढ्ने बताइरहँदाभन्दै चीनले ूखासमा ताइवान कार्डको प्रयोग गर्दा भारत यो कुरा बिर्सन पुग्छ कि ऊ आफैँ कैयौँ संवेदनशील मुद्दाको सामना गरिरहेको छ, भारतले यो कुरा सम्झनुपर्छ कि आफ्नो चीन नीतिबारे लक्ष्मणरेखा पार गरे त्यसलाई उसले थेग्न सक्दैन।ू


चिनियाँ सरकारी अखबारले ताइवानकी राष्ट्रपतिलाई पनि सचेत गराउँदै -यिङ वेन खतरासँग खेलिरहेकी छन्, उनले ताइवानको स्वतन्त्रता मुद्दामाथि काम गरिरहेकी छन्। यदि ताइवान कार्डको प्रयोग गरी भारतले डोकलाम गतिरोधको बदला लिन सकिन्छ भन्ने ठान्छ भने त्यो उसको भ्रम हो। भनेको छ ।

ताइपेइमा अक्टोबर १२ मा भारतसँग औद्योगिक सहयोग सम्मेलन भएको थियो।
सरकारी आंकडा अनुसार भारत र ताइवानबीच पछिल्लो समय व्यापार बढ्दो छ ।

भारतले आधिकारिक रुपमा ुएक चीन नीतिु मान्ने अर्थात ताइवान स्वतन्त्र देश नभई चीनकै एउटा हिस्सा हो भन्ने स्वीकार गर्दै आएपछि मोद सरकारले अमेरिका, अष्ट्रेलिया र जापानसँग मिलेर ताइवानसँग सम्बन्ध बढाइरहेको ठानिन्छ ।