साउदी राजकुमारको हेलिकोप्टर दुर्घटनामा पनि निधन

Posted on: November 06, 2017 | views: 5308

एजेन्सी ।

साउदी अरबका एक राजकुमारको हेलिकोप्टर दुर्घटनामा पनि निधन भएको छ ।


पूर्वयुवराज अब्दुल अजिजका छोरा रहेका युवराज मन्सुर बिन मुकरिनको यमनको सीमा क्षेत्रमा पर्ने आभा शहर नजिक हेलिकोप्टर दुर्घटना हुँदा निधन भएको बताइएको छ ।


असिर प्रान्तको उपराज्यपाल समेत रहेका मन्सुर उच्च सरकारी अधिकारीहरुसहित हेलिकोप्टर चढेर भ्रमणमा निस्किएका थिए ।


हेलिकोप्टरमा सवार कोही पनि नबाँचेको बीबीसीले लेखेको छ । हेलिकोप्टर दुर्घटनाको कारण भने खुलेको छैन ।


हिजोमात्रै साउदी अरबले ११ जना पूर्वराजकुमार, चार मन्त्री र पूर्वमन्त्रीहरुलाई पक्राउ गदैै भ्रष्टाचार अनुसन्धान थालेको खवर सार्वजनिक भएको थियो ।