आणबीक आक्रमण धम्कीपछि जापान, दक्षिण कोरियार अमेरिकाको उत्तरलाई चेतावनी

Posted on: April 30, 2016 | views: 275

१९ चैत, एजेन्सी ।
आफुलाई उक्साउने काम गरे आणविक आक्रमण गर्ने उत्तरकोरियाको धम्कीपछि जापान सहित अमेरिका र चीनले संयुक्तरुपमा उसलाई उत्तेजनामा नआउन चेतावनी दिएका छन् ।

उत्तर कोरियाको आणविक हतियारबारे भएको छलफलपछि अमेरिकी राष्ट्रपति बाराक ओबामा, दक्षिण कोरियाली राष्ट्रिपति पार्क गुनहेई र जापानी प्रधानमन्त्री सिन्जो आवेले उत्तरलाई चेतावनी सहित विज्ञप्ति जारी गरेका छन् ।

अमेरिकाको पहलमा वासिंटनमा भएको परमाणु शिखर सम्मेलनका क्रममा उत्तर कोरियालाई परमाणु कार्यक्रम बन्द गर्न संयुक्त रुपमा चेतावनी दिंदै संयम रहन भनिएको छ ।

ओबामाले सोही क्रममा चिनियाँ राष्ट्रपति शि जिनपिङसँग पनि उत्तर कोरियाको परमाणु कार्यक्रमबारे छलफल गरेका थिए ।

केही समयअघि उत्तर कोरियाले लागातर दुईवटा परमाणु हतियार परीक्षण गरेपछि अमेरिकाले उत्तर कोरियामाथिको नाकाबन्दी थप कडा बनाएको थियो ।

उत्तर कोरियाले भने त्यसलगत्तै अमेरिकाको राजधानी वासिंङटन डिसी ध्वस्त बनाएको एनिमेसन भिडियो सार्वजनिक गरेको थियो ।

उनीहरुबीच पनि उत्तर कोरियाको परमाणु क्षेप्यास्त्र परीक्षण रोक्न सामूहिक रुपमा अघि बड्ने सहमति भएको छ ।

एकदिन अघिमात्र अर्को रकेटको परिक्षण गरेको उत्तर कोरियाले भने यि राष्टले दिएको चेतावनी पछि केही बोलेको छैन ।

आफुलाई उक्साउने काम नगर्न भन्दै दक्षिण कोरिया र अमेरिकालाई संयुक्त सैन्य अभ्यास सिमा क्षेत्रमा नगर्न भनेपनि अमेरिकाले नै उत्तरलाई उक्साउने काम गर्दै आएपछि कोरियन प्रायद्धिपमा सँधै युद्धको अवस्था देखिने गरेको छ ।

उत्तर कोरियाको साथमा रहेको ठानिएको चीनलेपनि पछिल्लो समय अमेरिकाले प्रस्ताव गरेको उत्तर कोरियालाई आणविक हतियार विहिन बनाउने योजनामा सहमत जनाउँदै आएको छ ।

तर उत्तर कोरियाले भने आफु आणविक हतियार सम्पन्न भइसकेको भन्दै अब कसैको धम्कीले नडराउने भन्दै हिम्मत भए आक्रमण गरेर देखाउन अमेरिकालाई चेतावनी दिंदै आएको छ ।