ट्रम्प जापान भ्रमणमा आउँदै, उत्तर कोरिया मुख्य वार्ताको बिषय
Posted on: October 26, 2017 | views: 3894
टोकियो ।
५ नोभेम्बर देखि ८ सम्म तीन दिन जापानको भ्रमणमा आउन लागेका अमेरिकी राष्ट्रपति डोनाल्ड ट्रम्प अहिले यहाँ मुख्य समाचारको विषय बन्न थालेका छन् ।
उत्तर कोरियाले जापानको आकाश हुँदै दुई क्षेप्यास्त्र प्रहार गरेपछि सुरक्षा चुनौतिमा परेको जापानी प्रधानमन्त्री शिन्जो आवेले यसबिच दुई पटक ट्रम्पसँग भेटवार्ता गरिसकेका छन् ।
दुई देश प्रमुखबिच हुने जापानको शिखर वार्ता उत्तर कोरियाको सुरक्षा चुनौतिकमा केन्द्रित रहने भन्दै जापानी मिडियाहरुले वार्ताले ठोस निर्णय गर्ने अनुमान लगाउन थालेका छन् ।
गत मंगलबार अमेरिकाको मन्त्रिमण्डलले पनि यहि कुरालाई पुष्टि गर्दै ट्रम्पको जापान भ्रमण तय गरेको छ ।
पहिलो पटक जापान भ्रमणमा आउन लागेका ट्रम्पले यहाँ रहँदा सम्राट आकिहितो र साम्राज्ञी मिचिको सहित उत्तर कोरियाद्वारा अपहरण भएका जापानिज परिवारसंग भेट्ने बताइएको छ ।
मुख्य सचिव योशिहिदे सुगाले कोरियाली प्रायद्धिपमा बढ्दै गएको सुरक्षा स्थितिको सन्दर्भमा ट्रम्पको भ्रमण महत्वपूर्ण रहेको बताएका छन् ।
यस भ्रमणमा दुई नेताहरूबीच विश्वका अन्य मुद्दाहरूको विषयमा छलफल हुनुका साथै जापान र अमेरिकाको द्विपक्षीय गठबन्धनको महत्व दर्शाउने एक राम्रो अवसर रहेको सुगाले बताएका छन् ।
अमेरिकासम्म क्षेप्यास्त्र प्रहार गर्नसक्ने उत्तरको दाबी, आणविक तथा हाइडेजन बम परिक्षण लगायतले अमेरिकाले उत्तरमाथि राष्टसंघमा दबाव बढाएर विभिन्न नाकाबन्दी लगाउँदै आएको छ ।
यसका बावजुद निरन्तर क्षेप्यास्त्र परिक्षण तथा आणविक बमको बिकास गरिरहँदा दक्षिण कोरियासँगको सहकार्यमा अमेरिकाले युद्ध अभ्यास अघि बढाउँदा कोरियाली प्रायद्धिपमा विवाद बढ्दो छ ।
ताजा अपडेट
-
नुवाकोटका युवा नेतावाट सुरु भयो'सबैको कांग्रेस,सधैको कांग्रेस अभियान'(फोटोफिचर)
-
पिताको बाटो पछ्याउदै गुन्जन , 'माया कस्तो लाएँ' सार्वजनिक (भिडियो सहित )
-
फिकुरी बहुमुखी क्याम्पसको भवन निमार्ण सुरु
-
छोराको उपचारको लागी सहयोग गर्न नुवाकोटका गोपी मिजारको आग्रह
-
कुमरीमा समुदायले सञ्चालन गरेको पुस्तकालयलाई राष्ट्रिय पुरस्कार
-
नेपाल प्रहरी इतिहासको जस्तो नभई अहिले सुध्रिएकाले विश्वास गर्न महानिरीक्षक खनालको आग्रह
-
घट्यो पेट्रोल, डिजेल र मटितेलको मूल्य