दार्जीलिङमा गोर्खाल्याण्ड नेता बिमल र समर्थकको घर तोडफोड, बंगाल सरकारले गराएको आरोप

Posted on: October 21, 2017 | views: 7638

दार्जिलिङ ।

दार्जिलिङमा गोर्खाल्याण्ड आन्दोलनका नेता बिमल गुरुङ र उनका केही समर्थकहरुको घर तोडफोड र आगजनी गरिएको छ ।


नेता गुरुङको घर तोडफोड भएपनि कयौं कार्यकर्ताहरूको घरमा आगजनी गरीएको छ । भूमिगत रहेका उनि ३० अक्टोबरका दिन दार्जिलिङमा आउने घोषणा गरेका थिए ।


गुरुङ आउने भएपछी बंगाल सरकारले प्रहरी लगाएर बर्नसबेग चियाबगान इलाकामा छापा मारेको थियो । तर सो क्रममा गुरूङ पक्राउ पर्न नसकेपछि बंगाल सरकारले आफ्ना घुषपैठिया लगाएर तोडफोड र आगजनी गराएको स्थानियले आरोप लगाएका छन् ।


प्रहरीले वर्न्सवेग चियाबारीमा विमल गुरूङ पक्षसँग मुठभेड भएको दाबी गर्दै मुठभेड क्षेत्रमा हातहतियार पाइएको दाबी गरेपनि त्यो पुष्टि हुन सकेन ।


यस अगाडी मोर्चाबाटै विद्रोह गरि जिटिए प्रमुख भएका विनय तामाङले विमल गुरुङ अब दार्जीलिङ फर्किन नसक्ने बताएका थिए । शुक्रबार पश्चिम बंगालकी मुख्यमन्त्री ममता बेनर्जीसँग भेटवार्ता गरेका उनलाई दार्जिलिंगवासीहरुले भने गोर्खाल्याण्ड आन्दोलन तुहाउन पश्चिम बंगाल सरकारसाग मिलेको आरोप लगाउँदै आएका छन् ।