चिनियाँ राष्ट्रपतिको उद्घोष-'चीन अब निर्यायक शक्ति'

Posted on: October 18, 2017 | views: 4460

बेइजि ।

चिनियाँ राष्ट्रपति सी जिङपिङले चीन नयाँ युगमा प्रवेश गरेको र अब चीन विश्वको निर्णायक शक्ति हुनुपर्ने बताउनुभएको छ । 


चिनियाँ कम्युनिष्ट पार्टीको १९ औं राष्ट्रिय सभालाई सम्बोधन गर्दै राष्ट्रपति सीले चीनले आफ्नै विशेषताको समाजवादबाट गरेको तीव्र विकासले अरु देशलाई पनि नयाँ विकल्प दिएको बताउनुभयो । 


चिनियाँ कम्युनिष्ट पार्टीको १९ औं राष्ट्रिय सभा आजदेखि बेईजिङस्थित ग्रेट अफ पिपलमा शुरु भएको छ । 


राष्ट्रिय सभाले आगामी ५ वर्षका लागि चिनियाँ कम्युनिष्ट पार्टीको पदाधिकारी छनोट गर्ने छ । 


पार्टीको १८ औं राष्ट्रिय सभाले महासचिव चुनिएका राष्ट्रपति सी दोश्रो कार्यकालका लागि फेरि महासचिव हुने प्रबल सम्भावना रहेको छ । 


हरेक ५ वर्षमा चिनियाँ कम्युनिष्ट पार्टीको राष्ट्रसभा देशको सबैभन्दा महत्वपूर्ण राजनीतिक घटना मानिन्छ ।