इजिप्ट एयरको बिमान मुक्त गर्न अपहरणकारीसँग वार्ता सुरू

Posted on: May 02, 2016 | views: 317

एजेन्सी,चैत १६ । अपहरणमा परेको इजिप्ट एयरको बिमान मुक्त गर्न अपहरणकारीसँग वार्ता सुरू भएको छ। ब्रिटिश पत्रिका टेलीग्राफले इजिप्ट एयरले अरवी भाषामा गरेको टुइटलाई उद्धृत गर्दै उक्त कुरा बताएको हो।
अपहरणकारीले महिला र बालबालिकासहित इजिप्टका २० जना नागरिकलाई रिहा गरेको छ।     
उक्त फ्लाइटका क्याप्टेन अमर(अल(गमालका अनुसार विमानका एक यात्रीको शरीरमा विष्फोटक पदार्थ रहेको दावी गर्दै बिमानलाई साइप्रसमा जबर्जस्ती अवतरण गराएका थिए। विमानमा कति अपहरणकारी छन् भन्ने स्पष्ट हुन सकेको छैन।          
इजिप्टको नागरिक उड्ययन प्राधिकरणका अनुसार बिमानमा ८१ यात्रु छन्। विमान इजिप्टको अलेग्जेन्ड्राबाट राजधानी कायेरो तर्फ उडेको थियो। अपहरण कसले र कुन प्रयोजनका निम्ति गरेको हो भन्ने बारे बाहिर थाहा हुन सकेको छैन।
-setopati.com