जापानमा हेलिकप्टर दुर्घटना हुँदा तीनजना बेपत्ता

Posted on: August 27, 2017 | views: 405

टोकियो ।

जापानमा एक सानो आकारको सैन्य प्रयोजनको हेलीकोप्टर दुर्घटना हुँदा तीन जना बेपत्ता भएका छन् ।


शनिबार जापानको उत्तरपूर्वी आओमोरी प्रान्तमा मेरीटाइम सेल्फ डिफेन्स फोर्स ९ एमएसडिएफ ० को हेलीकप्टर दुर्घटना भएको हो ।


जापानी सरकारी अधिकारीहरुका अनुसार उक्त दुघटनामा ३ जना चालकदलका सदस्य हराइरहेका छन् ।


एसएच – ६० जे हेलिकोप्टरका चालकदलका चारमध्ये १ जनाको उद्घार गरिएको र उनी खतरामुक्त रहेको बताइएको छ । हेलिकप्टर राती १० बजेर ५० मिनेट जाँदा सम्पर्कविहिन हुन पुगेको थियो ।


एमएसडिएफ र जापान कोस्ट गार्डले हराएका तीन जनाको खोजिकार्य गरिरहेका छन् ।


घटनाको भग्नावशेषको अंश र हेलिकप्टरको उडान सुचना रेकर्डर दुर्घटना स्थल नजिकैको समुद्रमा भेटिएको रक्षा मन्त्री इत्सुनोरी ओनोडेराले बताएका छन् ।