महाभियोग राजनीति जोगिने, जोगाउने :भरत दाहाल

Posted on: October 21, 2016 | views: 351

लोकमान महाभियोग प्रकरणमा रैतीहरूमाथि रञ्जीत रे ले प्रदर्शन गरेको नाङ्गो शासनले सो प्रकरणको समापन कस्तो होला भन्ने तस्वीर देखाइ सकेको छ ।

लोकमानलाइ अख्तियारको प्रमूख आयुक्त बनाउन दिल्लीको प्रस्तावमा सर्वसम्मति जनाएकाहरूले लोकमानकै हातबाट शिकार बनाइने भयले महाभियोगको प्रस्ताव त दर्ता गरेर लोकमानलाइ ससम्मान जागिरबाट विदा दिने र आफू सुरक्षित हुने बाटो मात्र खोजेका हुन्, यीनीहरूबाट प्रस्ताव पारित गर्न संभव छैन ।

किनभने लोकमानमाथि महाभियोग प्रस्ताव पारित गर्दा उनलाइ प्रमूख आयुक्त बनाउँदा भएको अपराधिक खेलको लहरो तानिन्छ ।

महाभियोग प्रस्ताव आफू पनि जोगिने र लोकमान पनि जोगाउने रणनीति हो ।

यो रञ्जीत रे ले दलालहरूलाइ निर्देशन दिए जस्तै सुरक्षित अवतरणको उपायमा गएर टुंगिन्छ ।

आफ्नै दललाइ मूर्दावाद भन्दै मधेशवादी जुलुसमा हिंड्ने अमरेशकुमारलाइ प्रष्टिकरण लिन नसक्ने कांग्रेस, करोडौं पैसा ख्वाएर आफू सांसद भएको बयान दिने राज्यलक्ष्मी गोल्छालाइ दोसल्ला ओढाउने एमाले र लोकमानलाइ प्रमूख आयुक्तमा प्रस्ताव गर्ने एमाओवादीले रञ्जीत रे को आदेश उल्लंघन गर्नका लागि नेपालभित्रको बाह्य शक्ति सन्तुलन उल्टिनु पर्छ ।
........
लोकमानको घरमा म्याद टाँस्न नदिएको प्रायोजित कथा केवल नाटकको दृष्य हो ।

अदालतदेखि राजनीतिक वृत्तसम्मका सबै अपराधिहरूको मिलेमतो छ ।

लोकमानको घर भेटिएन भनेर पूर्जी फर्काउने र पूर्जी फर्काउनेहरूलाइ कार्वाहि गर्ने नाटक देखाएर जनता अल्मल्याउने सबै विदेशी गिरोहका सदस्यहरू हुन् ।