प्रधानमन्त्री प्रचण्ड कि देउबा ?

Posted on: July 12, 2016 | views: 765

नेपालमा राजनीतीक परिवर्तन (वा नढाँटेर भन्नु पर्दा राजनीतीक अस्थिरता र संक्रमण) को अर्को शृङ्खला सुरु भएको छ। गत दस बर्षमा औसतमा ११ महिना पनि एउटा सरकार नटिके पछी देश बिकास कहाँ बाट हुने?

प्रचण्डले "सहमती सहमती" भनेर रटान दिदा उनी साँच्चिकै सहमतीका पक्षमा रहेको र बहुमतको सरकार बन्ने भए सरकार ढाल्ने खेलमा नलाग्ने जस्तो देखिएको थियो । तर क्रान्तीकारी हौं भनेर गौरब गर्ने माओबादीहरु झन सत्ता लोभी जस्तो देखिए। प्रचण्डलाई प्रधान मंत्री पदको लोभले "एउटा बहुमतको सरकार अर्को बहुमतले ढाल्ने" तिर पछ्याइ छोड्यो ।

केही महीनामा प्रचण्ड पछी शेर बहादुर देउबा प्रधान मंत्री हुने भित्री सहमती बनेको छ भनिएको छ। यसो हो भने हरेक ६-६ महीनामा प्रधान मंत्री, मंत्री, पिए, राजनीतीक नियुक्ती, सल्लाहकार आदी इत्यादी र गर्दा गर्दा परियोजनाका बिस्तृत लागत र बनाउने कम्पनी र ठेकेदार समेत फेरिने छन । नेपालले ६-६ महीनामा धेरै क्षेत्रमा बिज्ञ जन्माउने भयो । राजनीतीक पद र नियुक्तीमा सबैको पालो पुग्ने भयो भने बिचरा देशको बिकास सधै ओझेलमा पर्ने भयो। अंग्रेजीमा "Who Cares?" भने झै ।

प्रचण्ड वा शेर बहादुर देउबाले बहुमतको सरकार त बनाउलान तर तितो सत्य के हो भने देशका तीन ठूला पार्टी (कांग्रेस, एमाले र माओबादे केन्द्र) र मदेस-केन्दृत दलहरु एक ठाँउमा नआए न त संबिधानको कार्यान्वयन हुने देखिन्छ न चुनाब सफलतापूर्बक सम्पन्न हुने । संबिधानमा संसोधन गर्न दुइ-तिहाई चाहिन्छ भने चुनाब गराउन मदेसमा शान्ती र स्थिरता।

बाहिर अरु देशमा नयाँ सरकार बन्दा पहिला एजेण्डामा सहमती हुन्छ भने त्यस पछी सरकारको बनोट र भागबण्डामा । तर नेपालमा ठीक उल्टो, यानेकी "लुकेर भित्री सहमती गर्ने, सरकार ढाल्ने, अनि त्यस पछी जे हुन्छ देखा जाएगा" ।

तर राष्ट्रीय सहमतीका लागी समय अझै बाँकी छ। माओबादीले वली सरकारलाई दिएको समर्थन झिकेको र कांग्रेसले संस्थागत रुपमा प्रचण्डलाई प्रधान मंत्री बनाउने निर्णय नगरिसकेको परिप्रेक्षमा वलीले कांग्रेस ठूलो पार्टी भएका हैसियतले देउबालाई सहमतीको सरकारको नेतृत्वका लागी समर्थन गर्दा के होला? एमालेमा यस्तो निर्णय गर्ने आँट आउन सक्ला?

कांग्रेसले राष्ट्रीय स्वार्थ र स्थायित्वका लागी एमाले र माओबादीलाई आपसमा भिडाउन भन्दा दुबैलाई सहमतीमा ल्याउने प्रयास गरे के होला ? कांग्रेसको केन्द्रीय समीतीमा यस्तो मत राख्ने कोही देखा पर्लान ?

Via: Anga Raj Timilsina Facebook wall