जापानबाट छोराको आमालाई पत्र

Posted on: May 02, 2016 | views: 862

आमा !! म विदेशमा छु । टाढा छु । आमा, तपाईले फेसबुक चलाउन जान्नु हुन्न । तर पनि मन थाम्न लेख्छु । मलाई थाहा छ, आमा ! यो पत्र तपाईसम्म पुग्छ ।

फोटोहरु देखेर मन कुडिएको छ । आँखाभरि आँशु टिलपिलाएको छ । वरपरको पृष्ठभूमी र हजुरको हेराईको भाव बुझ्छु, आमा । कत्ति निश्चल छ है हजुरको मन । म कत्ति सजिलै बुझ्छु ती भावहरु ।

आमा, जे हुनु भयो । मन बुझाउनु है । म छु । मसंग हामी छ । हामीसंग हामीहरू छौँ । वितेका व्यथालाई सम्झेर मन खिन्न बनाउनु हुदैन ।

अब नयाँ ढङ्गले पाईला सार्नुपर्छ । आमासंगै अरू तीन धर परिवारलाई भन्छु । बाचा गर्छु । तपाईका पाईलाहरूमा हामी साथ दिन्छौँ । यहाँ राजु दाई, छेउघरे बा, सुर्य र केशब सम्दी लगायतका परिवारलाई समावेश गर्दछु ।

हामीले अझै रमाईला क्षणहरू बिताउनु छ । निराशालाई बदलेर आशाहरु पलाउनु छ । आशाहरुलाई भरोशा बनाउनु छ । भरोशाहरुलाई साहासमा बदल्नु छ ।

आमा ! बाबा !! दाई !! सम्दी !!! खुट्टा कत्ति पनि नडग•मगाउनुस् है ।
उही तपाईको छोरा
विनेश दुरा