एसियाली भारत्तोलन च्याम्पियनसिप काठमाडौंमा सुरु, ३० देशका २४१ खेलाडी सहभागी

Posted on: July 23, 2017 | views: 368

ललितपुर।ललितपुरको लगनखेलस्थित नेपाली सेनाको शारीरिक तालिम तथा खेलकुद कम्प्लेक्समा आज आयोजित विशेष समारोहमा उपप्रधान तथा परराष्ट्रमन्त्री कृष्ण बहादुर महराले प्रतियोगिताको उद्घाटन गरे ।

प्रतियोगितामा सहभागि सबै ३० देशका खेलाडीहरुले उद्घाटन समारोहमा मार्च पास गरेका थिए । यसैगरी, विभिन्न सांस्कृतीक प्रस्तुती तथा झाँकी समेत प्रदर्शन गरिएको थियो ।

प्रतियोगितामा पुरुषतर्फ १ सय ४८ तथा महिलातर्फ ९३ गरी कूल २ सय ४१ खेलाडीले विभिन्न तौल समुहमा प्रतिस्पर्धा गर्दैछन् । एशियाली भारत्तोलन महासंघको कार्यक्रमअनुसार नेपाल भारत्तोलन संघले आयोजना गरेको प्रतियोगितामा नेपालका १३ जना खेलाडीले प्रतिस्पर्धा गर्दैछन् ।  एक सातासम्म चल्ने प्रतियोगिताका प्रतिस्पर्धात्मक खेलहरु भोलिदेखि मात्रै हुनेछन् ।