एशियन प्रिमियर लिग एपिएल टि-२० मा नेपाली टोली शीर्ष स्थानमा कायमै

Posted on: June 26, 2017 | views: 588

काठमाडौं ।

नेपाली टोली नेपाल स्टर्म कीर्तिपुरमा जारी यशियन प्रिमियर लिग एपिएल टि २० क्रिकेट प्रतियोगितामा लगातार तेस्रो जित हात पार्दै लिगको अंक तालिकामा श्रीर्ष स्थान कायम राख्न सफल रहेको छ ।


त्रिभुवन विश्वविद्यालयको मैदान कीर्तिपुरमा सोमबार भएको खेलमा भारतिय टोली ईन्डियन स्टार्सलाई ४ विकेटले पराजित गर्दै नेपाल स्टर्मले ६ अंकसहित लिगको अग्र स्थान सफल भएको हो ।


पहिलो ब्याटिङ्ग गर्दै ईन्डियन स्टार्सले निर्धारित २० ओभरमा ३ विकेटको क्षतिमा १ सय ७२ रन बनाएको थियो ।


ईन्डियन स्टार्सका अमर करनवालले सर्वाधिक ५९ रन बनाएका थिए ।


१६.२ ओभरमा ६ विकेटको क्षतिमा नेपाललले विजयी लक्ष्य प्राप्त गरेको थियो ।


नेपालका लागि सातौँ स्थानमा आएका जितेन्द्र शर्माले अविजित रहँदै २४ बलमा ५७ रनको योगदान गर्दै अर्ध शतक पुरा गरेका थिए ।


कीर्तिपुरमा सोमबार नै भएको दोश्रो खेलमा विजयी हुँदै अफ्गानिस्तान बुल्स लिग तालिकामा ४ अंकसहित तेश्रो स्थानमा उक्लिएको छ ।


अफ्गानिस्तान बुल्सले दुवाई वारियर्सलाई ४ रनले पराजित गरेको थियो ।


प्रतियोगितामा अहिले सम्मका सबै तिन खेल जितको नेपाली टोली नेपाल स्टर्म ६ अकसहित लिग तालिका पहिलो स्थानमा रहेको छ भने श्रीलकंन लायन्स् ४ अंकसहित रन रेटका आधारमा दोश्रो स्थानमा रहेको छ ।