क्रिष्टियानो बने च्याम्पियन्स लिगमा सय गोल गर्ने पहिलो खेलाडी

Posted on: April 13, 2017 | views: 385

एजेन्सी ।

रियल मड्रिडका स्टार खेलाडी क्रिष्टियानो रोनाल्डोले च्याम्पियन्स लिग फुटबलमा १ सय गोल गर्ने नयाँ कीर्तिमान बनाएका छन् ।


गएराति भएको च्याम्पियन्स लिग फुटबल अन्तर्गत क्वाटरफाइनलको पहिलो लिगमा जर्मन क्लब वार्यन म्युनिखविरुद्ध एक सुन्यले पछि परेको स्थितिमा रियल मड्रिडका लागि दुई गोल गरेका रोनाल्डोले नयाँ कीर्तिमानी बनाएका हुन् ।


वार्यन म्युनिखविरुद्ध दुई गोल गर्दै पहिलो लिगमा रियल मड्रिडलाई २-१ गोल अन्तरको जित दिलाएका रोनाल्डोले व्यक्तिगत तर्फ च्याम्पियन्स लिगमा १०० औं गोल पूरा गर्ने पहिलो खेलाडीका रुपमा रेकर्ड समेत बनाए ।


रोनाल्डो योसँगै च्याम्पियन्स लिग फुटबलमा १०० गोल पूरा गर्ने पहिलो खेलाडी बनेका छन् ।

 

१०० गोल पुरा गर्ने क्रममा रोनाल्डोले वार्यन म्युनिखविरुद्ध खेलको ४७ औं र ७७ औं मिनेटमा गोल गरेका हुन् 


च्याम्पियन्स लिगमा सबैभन्दा बढी गोल गर्ने खेलाडी रोनाल्डोले यो सिजनको च्याम्पियन्स लिगमा भने चार गोलमात्रै गरेका छन्। अघिल्लो सिजन रियल मड्रिडलाई च्याम्पियन्स लिग फुटबलको उपाधि दिलाएका रोनाल्डोले समूह चरणको खेलमै १७ गोल गरेका थिए ।