युनिभर्सिटीकपको उपाधि मीनभवनलाई

Posted on: April 11, 2017 | views: 288

काठमाडौं ।
युनिभर्सिटी कप क्रिकेट प्रतियोगिताको उपाधि नेपाल कमर्श क्याम्पस मीनभवनले जितेको छ । शंकरदेव क्याम्पसलाई ६ विकेटलाई हराउँदै नेपाल कमर्श क्याम्पसले उपाधि जितेको हो ।

१ सय ३२ रनको लक्ष्य नेपाल कमर्श क्याम्पसले १८ ओभर १ बलमा ४ विकेट जाँदा भेट्टायो ।

नेपाल कमर्श क्याम्पसका लागि धिरज अधिकारीले ३८ र अभिनाश अधिकारीले ३५ रन बनाए । पहिले ब्याटिङ गरेको शंकरदेवले निर्धारीत २० ओभरमा ९ विकेट जाँदा १ सय ३१ रन बनाएको थियो ।

शंकरदेवका प्रकाश विष्टले ३६ रन बनाएका थिए ।

विजेता नेपाल कमर्श क्याम्पसले १ लाख र उपबिजेता शंकरदेवले ५० हजार रुपैयाँ पुरस्कार पाएका छन् ।