इमर्जिङ कपमा नेपाल पाकिस्तानसँग ६ विकेटले पराजित

Posted on: March 27, 2017 | views: 145

काठमाडौं ।
बंगलादेशमा जारी ए सी सी ईमजिङ्ग टिम्स् कप क्रिकेट प्रतियोगिताको आफ्नो पहिलो खेलमा नेपाल पाकिस्तानसँग ६ विकेटले पराजित भएको छ ।

बंगलादेशको कस्स बजारस्थित सेख कमाल अन्तराष्ट्रिय क्रिकेट मैदानमा सोमबार भएको खेलमा पाकिस्तानको २३ वर्ष मुनिको टोलीले टस जित्दै बलिङ्ग रोजे पछि नेपालले पहिले ब्याटिङ्ग गरेको थियो ।

नेपालले निर्धारित ५० ओभरमा ९ विकेटको क्षेतीमा १ सय ८० रन बनाएको थियो ।

नेपालका शुरुआती ब्याट्स म्यान शुनिल धमलाले सर्वाधिक ४३ रन बनाएका थिए ।

यसैगरि सरद भेषवाकरले ३८, बिनोद भण्डारीले २४, आरिफ सेखले १८ र दिपेन्द्र सिंह ऐरीले १४ रन बनाएका थिए ।

बाँकी ब्याट्स म्यानहरुले भने दोहोरो रनको योगफल तयार पार्न सकेन्न् ।

पाकिस्तानका बलर गुलाम मुद्दसारले सर्वाधिक ५ विकेट लिएका थिए ।

प्रतिउत्तरमा पाकिस्तानले ४५.४ ओभरमा ४ विकेटको क्षतिमा विजयी लक्ष्य प्राप्त गरेको थियो ।

नेपालका लागि शन्दिप लामिछाने र कप्तान ज्ञानेन्द्र मल्लले २/२ विकेट लिएका थिए ।

समूह बि मा रहेको नेपालको दोस्रो खेल मंगलबार आयोजक बंगलादेशसँग र तेस्रो खेल बिहिबार हङकङ संग हुने छ ।

समूह बि अन्तर्गत सोमबार नै भएको अर्को खेलमा बंगलादेशको २३ वर्ष मुनिको टोलीले हङकङलाई ८ विकेटले पराजित गरेको थियो ।

यसैगरि समूह ए को पहिलो खेलमा भारतको २३ वर्ष मुनिको टोलीले श्रीलङ्काको २३ वर्ष मुनिको टोलीलाई ३४ रनले पराजित गरेको थियो भने दोस्रो खेलमा अफ्गानीस्तानले मलेसीयालाई १ सय ५५ रनले पराजित गरेको थियो ।