लिसेस्टर सिटीले शीर्ष स्थानमा फर्किने मौका गुमायो

Posted on: May 03, 2016 | views: 335

एजेन्सी,पुष १५ । इंग्लिस प्रिमियर लिग फुटबलको उपाधि होडमा रहेको लिसेस्टर सिटीले शीर्ष स्थानमा फर्किने मौका गुमाएको छ । मंगलबार राति घरेलु मैदान किङ पावर स्टेडियममा भएको खेलमा लिसेस्टरले म्यानचेष्टर सिटीसँग बराबरीमा खेलेको हो । यो बराबरीसँगै लिसेस्टरले शीर्ष स्थानमा उक्लिने मौका गुमाएको छ । यो जित दुवै टिमका लागि महत्वपूर्ण थियो । 

लिसेस्टरले जितेको भए दुई अंकको अग्रतासहित शीर्ष स्थमानमा उक्लिने थियो । म्यानचेस्टर सिटीले जितेको भए लिसेस्टरसँग अंक बराबरी तथा शीर्ष स्थानको आर्सनलसँगको दूरी एकमा झर्ने थियो । १९ खेलबाट ३९ अंक जोडेको आर्सनल शीर्ष स्थानमा छ । समान १९ खेलबाट ३९ अंक नै जोडेको लिसेस्टर गोल अन्तरका आधारमा दोस्रो स्थानमा छ । तेस्रो स्थानको म्यानचेस्टर सिटीको समान खेलबाट ३६ अंक छ ।