बदला लियो नेपालले । केन्या ७ विकेटले पराजित

Posted on: March 13, 2017 | views: 193

काठमाडौं ।
नेपालले आईसीसी विश्व क्रिकेट लिग च्याम्पियनसिप अन्तर्गत पहिलो खेलमा व्यहोरेको हारको बदला लिंदै आज केन्यालाई ७ विकेटले पराजित गरेको छ ।

दोस्रो खेलमा केन्यालाई १५५ रनमा सिमित बनाएको नेपाली क्रिकेट टोलिको आजको बलिगं र व्याटिंग दुवै उत्कृष्ठ रह्यो ।

तेस्रो विकेटका लागि ज्ञानेन्द्र मल्ल र दिपेन्द्र सिंह ऐरीले १११ रनको साझेदारी गरेका छन् ।

दिपेन्द्र सिंह ऐरी ६५ रन बनाएर तेस्रो विकेटका रुपमा बाहिरिएका थिए ।

१ सय १८ बल बाँकी छँदै नेपाल विजयी भयो । ज्ञानेन्द्र मल्लले ९३ बलमा ६४ रन र शरद भेषावकरले ११ बलमा २४ रन बनाए ।

सुनिल धमला एक र सागर पुन ५ बनाउँदा आउट भए ।

टस हारेर पहिले ब्याटिङ गरेको केन्याले ४६ ओभर १ बलमा सबै विकेट जाँदा एक सय ५५ रन बनाएको हो । नेपालका शरद भेषावकरले चार तथा मेहबुब आलम र बसन्त रेग्मीले दुई दुई विकेट लिए । यस्तै सागर पुन र सन्दिप लामिछानेले एक एक विकेट लिएका थिए । केन्याका लागि कोलिन्स ओबुयाले ४८, इरफान कारिमले ३८ तथा रकिप पटेलले २१ रन बनाए ।  

शनिबार ५ विकेटले पराजित हुँदै २ अंक गुमाएको नेपालले सोमबार केन्यालाई ७ विकेटले हराएको हो । केन्यासँग भएको शनिबारको खेल हारेपछि नेपाल प्रतियोगिताको शीर्ष ४ मा रहने गणितीय सम्भावना मात्र बाँकी छ ।

शीर्ष चारमा पर्न सके सन् २०१८ मा बंगलादेशमा हुने आइसिसी वान डे विश्वकप छनौटमा छनौट हुने मौका पाउनेछ । अब नेपालले हङकङ र युएईसँग खेल्नेछ भने केन्याले नेदरल्याण्ड्स र स्कटल्याण्डसँग खेल्नेछ ।

नेपालले १० खेलमा ४ जित निकाल्दै ८ अंक छ । केन्याको १० खेलमा ५ जित निकाल्दै १० अंक छ ।
हालसम्मको खेल हेर्दा नेपालको विश्वकप यात्रा अंक गणितमा मात्र सिमित रहेको छ ।