नुवाकोट तेक्वान्दो संघ २४ औं वर्षमा

Posted on: March 13, 2017 | views: 509

नुवाकोट,फागुन ३० । नेपाललाई ओलम्पिक यात्रासम्म तय गराएर नयाँ इतिहास रच्न समेत सफल रहेको नुवाकोट तेक्वान्दो संघ २४ औं वर्षमा प्रवेश गरेको छ । औपचारिक रुपमा स्थापना हुनुअघि नै प्रतिभावान खेलाडी उत्पादन गर्न सफल रहेको नुवाकोट तेक्वान्दो संघले स्थापना दिवसको अबशरमा विभिन्न कार्यक्रम गरी वार्षिक उत्सव मनाएको छ । 

संघले नुवाकोटको बट्टार स्थित आफ्नै भवन बहुउद्देष्य कभर्ड हलमा आयोजना गरेको २४ औं वार्षिक उत्सव कार्यक्रममा नुवाकोटका स्थानीय विकास अधिकारी केशरबहादुर पण्डितले जिल्लामा रहेका अन्य खेलहरु भन्दा क्रियाशिल र अन्तराष्ट्रिय खेलाडी उत्पादन गरी पु¥याउदै आएको नुवाकोट तेक्वान्दो संघको प्रशसां गर्नुभएको छ ।


स्थानीय विकास अधिकारी पण्डितले देशको नामलाई विश्वभर पु¥याउन नुवाकोटबाट उत्कृष्ठ खेलाडी उत्पादन गर्ने तेक्वान्दो संघका पदाधिकारीहरुको प्रशंसा गर्नुभएको छ । उहाँले तेक्वान्दो खेलको माध्यमबाट नेपालको नाम राख्न सफल हुदै आएको तेक्वान्दो खेलको नेपालको प्रख्यात रहनुमा नुवाकोट इज्जतर्लाइ कायमै राख्न अभ्यासरत खेलाडीहरुलाई आग्रह गर्नुभएको छ । 

तेक्वान्दो संघ नुवाकोटका अध्यक्ष धननारायण चित्रकारले बजेटको अभाव र कमजोर आर्थिक अबस्थामा रहेको संघले जिल्लामा खेलको अन्तराष्ट्रिय स्तरको प्रतिस्पर्धा गराएर खेल देखि पर्यटनसम्मको विकासमा प्रवद्धन पु¥याएको बताउनुभएको छ । अध्यक्ष चित्रकारले जिल्लामा सबैभन्दा उत्कृष्ठ तथा गाँउसम्म फैलिएको खेलमा तेक्वान्दो रहेकाले सरोकारवालाहरुलाई सहयोगको लागि आग्रह गर्नुभएको छ । 


उहाँले आफूले उपलब्ध गराएको जग्गामा निर्माणाधिन बहुउद्देष्य कर्भड हलको निर्माण पूरा गर्न भएको ढिलाईले उद्घाटन गर्न समेत नपाएको गुनासो गर्नुभएको छ । 

संघको २४ औ वर्षिक उत्सवमा समारोहमा तेक्वान्दो खेल सञ्चालनमा सहयोग पु¥याउने, भौतिक सामाग्रि उपलब्ध गराउर सहयोग पु¥याउने आत्मकुमार शाह, होमलाल गिरी, रमेश श्रेष्ठ, रोहन श्रेष्ठ, सबिन राजभण्डारी, उत्तम भण्डारी, अर्जुन गोतामे र जीवन श्रेष्ठलाई सम्मान गरिएको छ । नुवाकोटको खेल क्षेत्रको सबैभन्दा पुरानो सस्था नुवाकोट तेक्वान्दो संघले नुवाकोटमा राष्ट्रपति रनिङ शिल्ड प्रतियोगिता, इण्डो–नेपाल, मध्यमाञ्चलस्तरीय र बागमती अञ्चलस्तरीय लगायतको प्रतियोगिता सञ्चालन गर्दै जिल्लामा खेल क्षेत्रको प्रतिस्पर्धामा अन्य खेलकुद प्रतियोगिता भन्दा अग्रणी स्थानमा रहदै आएको छ । 


नुवाकोट तेक्वान्दोबाट उत्पादन भएका रमेश श्रेष्ठ अन्तराष्ट्रिय खेलाडी तथा नुवाकोट तेक्वान्दो प्रशिक्षकको जिम्मेवारी सम्हाल्दै आउनुभएको छ । यस्तै, नेपाल सेनाको क्लबमा आबद्ध रहेका रेजिन रिमाल र प्रतिज्ञा भण्डारी, सशस्त्र प्रहरी क्बलमा आबद्ध अनु तामाङ र सजना तामाङ पनि नुवाकोट तेक्वान्दोको उत्पादनको रुपमा रहेर अहिले अन्तराष्ट्रिय क्षेत्रमा पहिचान बनाएका छन् ।   

नुवाकोटमा नै जन्मेर ओलम्पिक प्रयोगितामा समेत प्रतिस्पर्धा गर्नुभएका संगीना बैद्यको यात्रामा पनि नुवाकोट तेक्वान्दो संघको महत्वपूर्ण भूमिका रहदै आएको छ ।  

यस्तै, नुवाकोटको विभिन्न डोजाङमा रहेर खेल्दै आएका सविता पुडासैनी, योगमायाँ श्रेष्ठ, अमर गुरुङ, श्रीराम श्रेष्ठ, जीवन तामाङ तेक्वान्दोमा राष्टियस्तरमा उदायमान खेलाडीको रुपमा लिइएको छ । २०४९ सालमा ३८ जना खेलाडीबाट नुवाकोटमा तेक्वान्दो खेल सुरु गरी अहिले १३ सयभन्दा बढी खेलाडीहरु उत्पादन गर्न सक्षम भइसकेको तेक्वान्दो नुवाकोट सचिव तथा प्रमुख प्रशिक्षक हरिहर पाण्डेले जानकारी दिनुभएको छ । 


स्थापनाको समयदेखि नै नुवाकोटमा अन्तराष्ट्रिय प्रतियोगिता आयोजना गरेको नुवाकोट तेक्वान्दोमा ३ सय ७४ जना ब्याक बेल्ट खेलाडीहरु उत्पादन भइसकेको प्रमुख प्रशिक्षक पाण्डे बताउनुभएको छ । नुवाकोटमा अहिले ६० डोजाङबाट १३ सय भन्दा बढी खेलाडीले अभ्यास गर्दै आएको नुवाकोट तेक्वान्दो संघका सह–सचिव तथा नुवाकोट तेक्वान्दोको प्रशिक्षक रमेश श्रेष्ठले बताउनुभएको छ । 

वर्षिक उत्सव अबशरमा कोलनी, बट्टार, खरानीटार, चौघडा, बागेश्वरी, हल्देकालिका लगायतका तेक्वान्दो डोजाङका खेलाडीहरुले तेक्वान्दोको साहसिक खेल डेमोन्ट्रेशनको प्रस्तुती र नृत्य प्रस्तुत गरेका थिए । 


यसैबीच, तेक्वान्दो संघको स्थापनाको अवशरमा हिजो बिहान प्रभातफेदी, बट्टारमा रहेका विभिन्न शक्तिपीठहरुको सरसफाई लगायतको कार्यक्रम गरिएको थियो ।