लुम्बिनी पिस म्याराथनको उपाधि होमलालले जिते

Posted on: March 12, 2017 | views: 127

काठमाडौं ।
तेस्रो संस्करणको लुम्बिनी पिस म्याराथनको उपाधि नेपाली सेनाका होमलाल श्रेष्ठले जितेका छन् । ४२ दशमलव १९५ किलोमिटरको दुरी होमलालले २ घण्टा २२ दशमलव ३६ सेकेण्डमा पूरा गरे ।

सशस्त्र प्रहरीका गोपिचन्द्र पार्की २ घण्टा २४ दशमलव २४ सेकेण्डको टाइमिङ सहित दोस्रो र नेपाल आर्मीका खगेन्द्र भाटले तेस्रो भए । भाटले २ घण्टा २४ दशमलव ४१ सेकेण्डमा दौड पूरा गरे । विजेता श्रेष्ठले १ लाख नगद हात पारे भने दोस्रो भएका पार्कीले ७५ हजार र तेस्रो भएका भाटले ५० हजार रुपैयाँ प्राप्त गरेका छन् ।

हाफ म्याराथनको उपाधि टंक पुनले जिते । पुनले १ घण्टा ९ दशमलव ४९ सेकेण्डमा दौड पूरेका थिए ।

आर्मीका रामजी बस्नेतले १ घण्टा १० दशमलव २८ सेकेण्ड र आर्मीकै टीकाराज कट्वालले १ घण्टा १० दशमलव ३१ सेकेण्डमा दौड पुरा गरी क्रमशः दोश्रो र तेस्रो भएका छन् । हाफ म्याराथनका विजेताले ५० हजार उपविजेताले ३५ र तेस्रो हुनेले २५ हजार रुपैया प्राप्त गरे ।

प्रतियोगितामा ७ विदेशीसहित ५५ जनाको सहभागिता थियो । २-२ जना चिनियाँ र बेलायती धावकका साथै स्पेन, इटाली र जमैकाका १–१ जनाले भाग लिएका थिए ।