संकटाले जित्यो तिलोत्तमा गोल्डकपको उपाधि

Posted on: March 04, 2017 | views: 364

काठमाडौं ।
संकटा क्लब तिलोत्तमा गोल्ड कप नकआउट फुटबल प्रतियोगिताको उपाधि हात पार्न सफल भएको छ ।

रुपन्देहिमा शनिबार सम्पन्न फाईनलमा संकटा क्लबले नपाल आर्मी क्लबलाई २÷१ गोल अन्तरले पराजित गर्दै उपाधि हात पारेको हाम्रा बुटबल समाचारदाता डायलशन अधिकारीले जनाएका छन् ।

नेपाल आर्मी क्लबले खेलको ३० औँ मिनेटमा राजिब गुरुङ्गको गोल मार्पmत अग्रता लिएको थियो ।

मध्यान्तरको अघिको अतिरिक्त संकटाका निराजन खड्काले पहिले बराबरी गोल फर्काएका थिए भने खेलको ८५ औँ मिनेटमा निराजनले फेरी संकटाका लागि दोस्रो तथा खेलको निर्णायक गोल गरेका थिए ।

प्रथम हुँदै संकटा क्लबले ५ लाख ५५ हजार ५ सय ५५ रुपैँया प्राप्त गरेको छ भने दोस्रो भएको नेपाल आर्मी क्लबले ३ लाख ३३ हजार ३ सय ३३ रुपैँया प्राप्त गरेको छ ।

प्रतियोगितामा संकटा क्लबका गोलकिप्पर विनय श्रेष्ठ, नेपाल आर्मी क्लबका डिफेन्डर हिरन्य मगर, संकटाका मिड्फिल्डर निराजन खड्का उत्कृष्ट घोषित हुँदै समान १५ हजार रुपैँया प्राप्त गरेका थिए ।

उत्कृष्ट प्रशिक्षक घोषित भएका संकटा क्लबका सल्यान खड्गीले २० हजार रुपैँया प्राप्त गरेका थिए ।

प्रतियोगितामा सर्वाधिक ३ गोल गरेका नेपाल आर्मीका दिप लामाले पनि १५ हजार रुपैँया प्राप्त गरेका थिए ।

यसैगरि प्रतियोगिता कै सर्वोत्कृट खेलाडि घोषित भएका आयोजक रुपन्देहि ११ का किप्पर दिलिप क्षेत्रीले एउटा स्कुटर प्राप्त गरेका थिए ।