राष्ट्रिय क्रिकेट टोली अभ्यास खेलमा ४० रनले बिजयी

Posted on: March 02, 2017 | views: 324

काठमाडौं ।
विश्व लिग च्याम्पियनशिपको तयारीका लागि भारतमा रहेको नेपाली राष्ट्रिय क्रिकेट टोलीले आफ्नो तेस्रो अभ्यास खेलमा नोयडा वानडर क्रिकेट क्लबलाई ४० रनले पराजित गरेको छ ।

ग्रेट नोयडा स्थित, गौतम बुद्ध विश्वविद्यालयको मैदानमा बिहिबार भएको तेस्रो खेलमा पहिलो ब्याटिङ्ग गर्दै नेपालले निर्धारित ५० ओभरमा ४ विकेटको क्षेतीमा २ सय ४८ रन बनाएको थियो ।

नेपालका शुरुआती ब्याट्स् म्यान शुनिल धमलाले सर्वाधिक ७४ रनको योगदान गर्दै अर्ध शतक पुरा गरेका थिए ।

प्रतिउत्तरमा नोयडा वानडर क्रिकेट क्लबले ४७.२ ओभरमा २ सय ८ रन बनाउँदा सबै विकेट गुमाउन पुग्यो ।

नेपालका बलर सोमपाल कामीले सर्वाधिक ३ विकेट लिएका थिए ।

नेपाल पहिलो खेलमा भने राजवाडा संग ४७ रनले पराजित भएको थियो भने राजवाडा संगै भएको दोस्रो खेलमा नेपाल ८३ रनले विजयी भएको थियो ।

विश्व लिग चयाम्पियनशिप अन्तर्गत नेपालले क्यन्या संग यहि फागुन २८ र ३० गते कीर्तिपुरमा दुई वटा खेल खेल्ने छ ।