खुसीको खवर । नेपालले भारत, पाकिस्तान सम्मिलित एसिसी इमर्जिङ कप क्रिकेट खेल्न पाउने

Posted on: February 26, 2017 | views: 415

काठमडाौं ।
युनाइटेड अरब इमिरेट्स (युएई) ले अन्तिम समयमा नाम फिर्ता लिएपछि भारत, पाकिस्तान, श्रीलंका र बंगलादेशजस्तो टेस्ट राष्ट्रसँग क्रिकेट खेल्ने मौका गुमाएको नेपालले फेरि एसिसी इमर्जिङ कप खेल्न पाउने भएको छ ।

सन् २०१३ देखि सुरु भएको यो प्रतियोगिता भारत र पाकिस्तानबीचको बिग्रदो राजनीतिक सम्बन्धका कारण सुचारु हुन सकेको थिएन् ।

तर, गत वर्ष टेस्ट खेल्ने एसियाका सबै राष्ट्र मिलेर पुनः एसियाली क्रिकेट महासंघ ९एसिसी० को नयाँ कार्यसमिति गठन गरेपछि चैत १२ देखि बंगलादेशमा पुनः यो प्रतियोगिता सुरु गर्ने निर्णय भएको थियो । प्रतियोगिता चैत २३ सम्म हुनेछ ।

खेलको नयाँ तालिका सार्वजनिक हुन बाँकी छ । नेपालले आइसिसी विश्व क्रिकेट लिग च्याम्पियनसिपअन्तर्गत केन्यालाई फागुन २८ र ३० मा नेपालमा प्रतिस्पर्धा गर्दैछ ।

यसपछि क्रिकेट खेल्न बंगलादेश प्रस्थान गर्नेछ । यस प्रतियोगितामा भारत, पाकिस्तान, बंगलावदेश र श्रीलंकाको युवा खेलाडी सहभागी हुनेछन्।