फष्ट हिमालय गोल्डकपमा २० टीम छनोट

Posted on: January 05, 2017 | views: 432

टोकियो ।
हाइजिमा युथ क्लबले आयोजना गरेको 'फष्ट हिमालय गोल्डकप २०१७' मा २० टीम सहभागी हुने भएका छन् ।

फेब्रूअरी २६ मा हुने प्रतियोगीतामा २० टीम मात्र सहभागी गराउने र २० टीमको छनोट प्रक्रिया समेत सकिएको प्रतियोगिता संयोजक यूबी अधिकारीले  जानकारी दिए ।

 फुटबल फर युनिटी ुभन्ने नाराका साथ टोकियोको निसिहाचीयोजिमा हुन लागेको प्रतियोगीतामा प्रथम हुने टीमले २ लाख २२ हज़ार २ सय २२ येन नगद पुरस्कार पाउने भएको छ ।

यसैगरि दोस्रो हुने टीमले १ लाख ११ हज़ार १ सय ११ जापानी येन पाउने छ । त्यस्तै उत्कृष्ट खेलाडी, धेरै गोल गर्ने खेलाडी र उत्कृष्ट गोलकिपरलाई पनि पुरस्कृत गरिने क्लवका अध्यक्ष अखिल लामाले बताएका छन् ।

प्रतियोगिता प्रवेश शुल्क ३० हज़ार जापानी येन राखेको आयोजकले आफ्नो स्थापनाकालदेखीनै खेलकुद तथा सामाजिक क्षेत्रमा काम गर्दै आइरहेको बताइएको छ ।