दोस्रो खेलमा पनि हार्दा नेपाल समूह चरणबाटै बाहिरियो

Posted on: December 17, 2016 | views: 364

काठमाडौं ।
लगातार दुई खेलमा पराजित भएपति नेपाल यू-१९ एसिया कप क्रिकेटको समूह चरणबाटै बाहिरिएको छ ।

पहिलो खेलमा श्रीलंकासँग मात्र १ रनको पराजय र दोस्रो खेलमा भारतसँग ६ विकेटले पराजित हुँदा नेपाल समूह चरणबाट बाहिरिएको हो ।

शुक्रबार श्रीलंकाको कोलम्बो क्रिकेट ग्राउण्डमा नेपालले प्रस्तुत गरेको १७३ रनको लक्ष्य भारतले मात्र ३३.३ ओभरमा ४ विकेट गुमाएर भेट्टायो ।

यसअघि यसअघि टस जितेर पहिले ब्याटिङ गरेको नेपालले निर्धारित ५० ओभरमा ९ विकेट गुमाएर १७२ रन जोडेको थियो । नेपालका लागि सातौं नम्बरका ब्याट्सम्यान रोहित कुमार पौडेलले सर्बाधिक ६८ रन जोडे ।

पौडेलले ४९.२ ओभरमा छक्का प्रहार गर्दै अर्धशतक पूरा गरेका थिए ।