इएल क्लासिको: बार्सिलोनाले म्याड्रिडसँग अंक बाँड्यो

Posted on: December 04, 2016 | views: 392

एजेन्सी,मंसिर १९ । स्पेनिस ला लिगा अन्तर्गत यो सिजनको पहिलो इएल क्लासिकोमा बार्सिलोना र रियल मड्रिडले बराबरी खेल्दै अंक बाँडेका छन् । शनिबार भएको खेलमा बार्सिलोना अन्तिम मिनेटमा चुकेपछि चिरप्रतिद्वन्द्वी रियल मड्रिडसँग १-१ गोलको बराबरी रोकिदै अंक बाँडेके हो ।  यससँगै रियलले अपराजित यात्रा कायमै राखेको छ ।

बार्सिलोनाको मैदान नाउ क्याम्पमा शनिबार राति भएको खेलमा लिग लिडर रियल मड्रिडले बार्सिलोनालई १–१ को बराबरीमा रोकेको हो । खेलमा अग्रता भने बार्सिलोनाले लिएको थियो । पहिलो हाफमा गोलरहित बराबरी भएको खेलमा ५३ औं मिनेमा नेइमारको फ्रि किकलाई लुइस स्वारेजले हेड मार्फत सुन्दर गोल गर्दै बार्सिलोनालाई सुरुवाति अग्रता दिलाए । खेलको अन्तिम समयसम्म बार्सिलोनाले रियल मड्रिडलाई गोल गर्नबाट रोकेको थियो । 

तर ९० औं मिनेटमा कप्तान सर्जियो रामोसले गोल गर्दै खेल १–१ को बराबरीमा ल्याए । यो बराबरीसँग रियल मड्रिडको ६ अंकको अग्रता कायमै छ । रियलको १४ खेलबाट ३४ तथा दोस्रो स्थानको बार्सिलोनाको समान १४ खेलबाट २८ अंक छ । रामोसले अन्तिम समयको गोलबाट रियलको अपराजित यात्रा ३३ खेलमा पुर्‍याएका छन् ।