जापानले थाल्यो २०२० ओलम्पिकको स्टेडियम निर्माणको काम

Posted on: December 03, 2016 | views: 520

जापान ।
जापानले सन २०२० मा .आयोजना गर्न लागेको टोकियो ओलम्पिक तथा पाराओलिम्पक खेलको लागि स्टेडियम निर्माणको काम सुरु गरेको छ ।

जापान खेल परिषदले स्टेडियमको निर्माणको लागि टोकियो महानगरीय सरकारसंग अनुमति लिएपछि यसको काम थालेको हो ।

जापान खेल परिषदले २०१९ नोभेम्बर सम्ममा सो संरचनाको पुर्ण निर्माण गरिसक्ने लक्ष्य राखेको बताएको छ ।

डिजाइनर केङ्गो कुमाले नयाँ ओलम्पिक स्टेडियमको निर्माण नक्शा तय गरेका छन् । गत बर्षको जुलाईमा जापान सरकारले स्टेडियम निर्माणको जिम्मा विभिन्न डिजाईनरहरुबाट छानेर कुमालाई दिएको हो ।

यो योजना अनुमानीत लागत भन्दा महङ्गो भएको भन्दै आलोचना भएपनि डिजाइन र निर्माणको गुणस्तर सहित प्रतिवद्धतालाई हेरेर सो कम्पनीलाई दिएको बताइएको छ ।

ओलम्पिक स्टेडियमको निर्माण कार्य विहीबारबाट सुचारु भएको छ । निर्माण कम्पनीले तोकिएको समय भन्दा अघिनै निर्माणकाम सम्पन्न गर्नेगरि कामलाई तिब्रता दिने बताएको छ ।