यू-१९ एसिया कप: नेपाल कठिन समूहमा, कसको भिडन्त को सँग ?

Posted on: November 29, 2016 | views: 227

काठमाडौं,मंसिर १४ । श्रीलंकामा हुने एसीसी यू-१९ एसिया कपमा  क्रिकेटको खेल तालिका सार्वजनिक भएको छ ।  मंगलबार सार्वजनिक भएको तालिका अनुसार नेपाल कठिन समूहमा परेको छ । नेपालसँगै भारत, श्रीलंका र मलेसिया समूह एमा परेका छन् भने समूह बीमा पाकिस्तान, बंगलादेश, अफगानिस्तान र सिंगापुर छन् ।

 तालिकामा समूह ए मा परेको नेपालले आफ्नो पहिलो खेल श्रीलंकासँग खेल्नेछ ।  यस्तै समूह बी मा पाकिस्तान, बंगलादेश, अफगानिस्तान र सिंगापुर छन् । डिसेम्बर १५ देखि सुरु हुने प्रतियोगिताको पहिलो खेलमा कोलम्बोमा नेपालले श्रीलंकासंग खेल्नेछ भने १६ तारिखमा भारतको सामना गर्नेछ ।

समूहको अन्तिम खेलमा नेपालले मलेसियासंग प्रतिस्पर्धा गर्नेछ । समुहमा शिर्ष दुई टिमले सेमिफाइनलमा स्थान बनाउनेछन् । प्रतियोगिताको फाइनल खेल २३ तारिखमा हुनेछ ।