नवयुगको गोलमा जापान मैत्रीपूर्ण फुटवलमा नेपालसँग पराजित

Posted on: November 19, 2016 | views: 275

३ मंसिर, काठमाडौं ।
नपाली राष्ट्रिय फुटबल टोलीले जापानको व्यवसायीक फुटबल खेलाडीहरु सम्मिलित टिमबिच भएको मैत्रीपूर्ण खेलमा विजयी हुन सफल भएको छ ।

अखिल नेपाल फुटबल संघ एन्फाको मैदान सातदोबाटोमा शनिबार सम्पनन खेलमा नेपालले फ्रेन्डस् अफ जापानलाई १-० गोल अन्तरले पराजित गरेको थियो ।

खेलमा एक मात्र निर्णायक गोल खेलको ५८ औँ मिनेटमा नेपालका नवयुग श्रेष्ठले गरेका थिए ।

भर्खरै मलेसियामा सम्पन्न सोलिड्यारिटि कप फुटबल प्रतियोगिताको उपाधि विजेता नेपाली टोलीले अर्को जित हात पार्न सफल भएका छन् ।

भुकम्पबाट क्षेती पुगेका विद्यालयहरुको पुन निर्माण गर्ने उद्देश्यले नेपाल जापान कुटनीतिक सम्बन्ध स्थापना भएको ६० औँ वर्ष गाँठको अवसर पारेर मैत्रीपूर्ण फुटबल आयोजना गरिएको हो ।