टोकियोमा फुटसल प्रतियोगिता हुँदै

Posted on: November 19, 2016 | views: 290

टोकियो ।
आगामी डिसेम्बर ४ तारिखमा जापानमा फुटसल प्रतियोगिता हुने भएको छ ।

राईजिङ नेपाल युथ क्लवको आयोजनामा प्रथम जेआरएफप्रभु गोल्डकप फुटसल प्रतियोगिता हुने भएको हो ।

स्वास्थ्यका लागि खेलकुद भन्ने नाराका साथ जापानका २० टिमले फुटसलमा सहभागीता जनाउने भएको आयोजकले बताएको छ ।

प्रतियोगितामा प्रथम हुनेले दुई लाख एक येन तथा दोश्रो हुनेलाई एकलाख एक येन नगद पुरस्कार पाउने छन् ।

प्रतियोगितामा उत्कृष्ट खेलाडी, उत्कृष्ट गोल रक्षक, उत्कृष्ट डिफेण्डर, स्कोररलाइ पनि पुरस्कार तथा सम्मान गरिने आयोजकले बताएको छ ।

कुल २० टिम मात्र सहभागि हुने भएकाले प्रतियोगितामा सहभागिता जनाउन ईच्छुक क्लवले टोकियो सिनओकुवो स्थित सोल्टी खाजा घरमा सम्पर्क राख्न सक्ने आयोजकले जानकारी दिएको छ ।

फुटसल प्रतियोगिता टोकियो सिन्जुमुदोरीमा हुने भन्दै आयोजकले प्रतियोगितामा सहभागि भई कार्यक्रमलाई सफल बनाईदिनुहुन जापानमा रहेका नेपालीहरुसँग अनुरोध समेत गरेको छ ।