यस्तो छ जापान–नेपाल मैत्रीपूर्ण फुटबल हेर्न टिकट मूल्य,कहाँ पाईन्छ ?

Posted on: November 18, 2016 | views: 261

काठमाडौं,मंसिर ३ । नेपाल र जापानको द्वौत्य सम्बन्ध स्थापना भएको ६० वर्ष पुगेको अवसरमा शनिवार जापान–नेपालबीच मैत्रीपूर्ण फुटबल हुँदैछ । एन्फा कम्प्लेक्स सातदोबाटोमा हुने च्यारिटी म्याचको हेर्न साधारणका लागि एक हजार र भीआईपीका लागि १५ सय टिकट मूल्य राखिएको छ । टिकट एन्फा कम्प्लेक्स, इन्सेन्टिभ होलिडेज, मेट्रो पार्क र नारायणहिटी दरबारको उत्तरढोकामा पाइनेछ ।

मैत्रीपूर्ण खेल खेल्न जापानी फुटबल टोली बिहीबार काठमाडौं आइपुगेको छ । जापानका पूर्वविश्वकप खेलाडी काजुयिका टोडाको नेतृत्वमा आएको १६ सदस्यीय टोलीले ललितपुरको सातदोबाटोस्थित एन्फा कम्प्लेक्समा अभ्यास पनि गरेको थियो । नेपाल र जापानको द्वौत्य सम्वन्ध स्थापना भएको ६० वर्ष पुगेको अवसरमा अखिल नेपाल फुटबल संघ एन्फाले कलरबाथसँग मिलेर खेल आयोजना गरेको हो । खेलबाट उठेको रकम भूकम्प प्रभावित जिल्लामा खर्च गरिनेछ ।