भोली बिश्वकप खेलेको जापानी टोलिसँग नेपालको मैत्रीपूर्ण फुटबल

Posted on: November 18, 2016 | views: 884

३ कार्तिक, काठमाडौं ।
भोली नेपाल र जापानबिच मैत्रीपूर्ण फुटवल खेल हुने भएको छ ।

नेपाल जापान कुटनीतिक सम्वन्ध स्थापनाको ६० औं बर्ष गाँठको अवसरमा दुई देश बिच ललितपुर स्थित एन्फा एकेडेमीको फुटवल मैदानमा खेल हुने भएको छ ।

अखिल नेपाल फुटबल संघ एन्फा र कलरबाथ नेपालले संयुक्त आयोजना गर्न लागेको मैत्रीपूर्ण फुटबल खेलमा नेपाली टोलीसंग भिड्नको लागि जापानी ‘फ्रेन्ड्रस टोली’ बिहिबार नेपाल आइपुगिसकेको छ ।

काकाजुयुकी तोडाको नेतृत्वमा १६ सदस्य सहित नेपाल आएको जापानी फुटबल टोली र नेपाली टोली बिच खेल हुने छ ।

जापानी टोलीलाई एन्फाका सिइओ इन्द्रमान तुलाधर र कलरबाथ नेपालका प्रमुख गणेशलाल लामाले त्रिभुवन विमानस्थलमा स्वागत गरेका थिए ।

सन २००२ मा जापानी राष्ट्रिय टोलीबाट विश्वकपमा सहभागी भै सकेका काजुयुकीले नेपाली टोलीबारे आफु अनविज्ञ भएको बताएका छन् ।

साथै उनले नेपाली टोलीलाइ एक अनुशाशित टोलीको रुपमा लिएको बताएका थिए । उनले नेपाली टिमको दुइ खेल मात्र हेरेको बताए ।

जापानी फ्रेन्ड्स टोलीमा विश्वकप, जे लिग तथा जापानी पूर्व राष्ट्रिय खेलाडी लगायत विभिन्न देशमा व्यावसायिक फुटबल खेलेका खेलाडीहरु सहभागी छन् ।

एन्फा प्रवक्ता तुलाधरले जापानी टोलीसंग नेपाली फुटबल टोलीको खेलको बारेमा दुवै देशका प्रशिक्षक र खेलाडीले केही भन्न नसक्ने बताएका छन् ।

नेपाल बुधबार मात्रै मकाउलाई १-० ले सोलिडारिटी कपको फाइनलमा हराउँदै स्वदेश फर्कीएको छ ।

सातदोबाटो स्थित एन्फा मुख्यालयमा आयोजना हुने मैत्रपूर्ण खेलबाट संकलन हुने रकम भुकम्प प्रंभावित जिल्लामँ विद्यालय पुननिर्माण तथा सो जिल्लामा खेलकुदको विकासमा खर्च गरिने आयोजकले बताएको छ ।