सोलिडारिटी कपको उपाधि विजेता टोलीलाई भव्य स्वागतको साथ नगर परिक्रमा

Posted on: November 16, 2016 | views: 121

काठमाडौं,मंसिर १ । मलेसियामा सम्पन्न एएफसी सोलिडारिटी कपको उपाधि विजेता नेपाली राष्ट्रिय फुटबल त्रिभुवन विमानस्थलमा भब्य स्वागतको साथ नगर परिक्रमा गराईएको छ ।  मालिन्दो एयरको बोइङ ७३७–९ विमानबाट बुधबार राति ८ः३० बजे मलेसियाबाट त्रिभुवन अन्तरार्ष्ट्रिय विमानस्थल अवतरण गरेको थियो।

उपाधि विजेता टोलीलाई स्वागत गर्न युवा तथा खेलकुल मन्त्री दलजित श्रीपाली स्वयं विमानस्थल पुगेका थिए। टोलीको स्वागतका लागि राष्ट्रिय खेलकूद परिषदको सदस्य सचिव केशवकुमार विष्ट, एन्फा कार्यवाहक अध्यक्ष मणि कुँवर, राष्ट्रिय टोलिका पूर्व प्रशिक्षक, पूर्व कप्तान तथा राष्ट्रिय खेलाडीहरू उपेन्द्रमान सिंह, कृषण थापा, बालगोपाल महर्जन, हरि खड्कालगायत पनि ड्रमसेटलगायत बाजागाजासहित विमानस्थल पुगेका थिए।
र्‍याली एयरपोर्टबाट गौशाला-बत्तिसपुतली-मैतिदेवी-पुतलीसडक-घण्टाघर-शहिदगेट-त्रिपुरेश्वर-थापाथली-पुल्चोक-मंगलबजार-ग्वार्को हुँदै एन्फा मुख्यालय सातदोवाटोमा पुगेर सम्पन्न हुनेछ । नेपाली टिमलाई सरकारले जनही तीन लाख रुपैयाँ दिने घोषणा गरेको छ ।

हिजो मलेसियाको कुचिङस्थित नेगेरी स्टेडियममा भएको फाइनल मकाउलाई १–० गोल अन्तरले हराउँदै नेपालले उपाधि उचालेको हो। एक वर्ष भित्र नेपाली फुटबल टोलीले जितेको यो तेस्रो उपाधि हो । यस अघि गत माघमा बंगलादेशमा भएको बंगबन्धु गोल्डकप र फागुनमा भारतमा भएको १२ औं साग गेम्समा फुटबलतर्फ गोल्ड मेडल जितेको थियो ।