क्रिकेट कप्तान रुविनालाई बिग ब्यास लिग क्लबमा ट्रेनिङको अवसर

Posted on: November 15, 2016 | views: 447

३० कार्तिक, काठमाडौं ।
नेपाली राष्टिय क्रिकेट टोलिका कप्तान रुविना क्षेत्रीले महिला बिग ब्यास लिगको क्लबमा ट्रेनिङ गर्ने अवसर पाएकी छिन् ।

अन्तर्राष्ट्रिय क्रिकेट काउन्सिल आईसीसीले डब्लूबीबीएल एसोसिएट रक्की प्रोग्रामका लागि ८ महिला क्रिकेटरको नाम घोषणा गरेकोमा रुविनाको नाम पनि पर्न सफल भएको हो ।

रुविना बिगव्यास लिगको रेजेगेट्स क्लबमा आवद्ध हुनेछिन् भने आईसीसीले क्रिकेट अष्ट्रेलियासँग मिलेर सुरु गरेको डब्लूबीबीएल एसोसिएट रक्की प्रोग्राममा दुई साता अभ्यास गर्नेछिन् ।

यसमा आवद्ध भएका क्रिकेटरहरुले क्लबमा अभ्यास गर्ने मौका पाउनुका साथै घरेलु मैदानमा हुन खेलमा समेत रहभागी हुनेछन् ।